Tenıs tarıhynda eń iri kólemde tabys tapqan qazaqstandyq tenısshi Elena Rybakınanyń jetistigi Gınnestiń rekordtar kitabyna resmı tirkeldi, - dep habarlaıdy Aqshamnews.kz.
Qazaqstandyq tenısshi Er-Rıadtaǵy (Saýd Arabıasy) bıylǵy WTA qorytyndy týrnırinde 5,235 mln AQSH dollaryn tapqan bolatyn.
Osyǵan deıin mundaı tabysqa eshkim jetken emes. Burynǵy rekordtar belorýssıalyq Arına Sobolenko men ıspanıalyq Karlos Alkarasqa tıesili edi. Olar bıylǵy AQSH ashyq chempıonatynda 5 mln AQSH dollarynan tapqan-dy.
Rybakınanyń Saýd Arabıasyndaǵy jyldyń qorytyndy jarysynda barlyq bes qarsylasyn jeńgeni belgili. Sońǵy fınaldyq básekede álemniń 1-raketkasy Arına Sobolenkony 6:3, 7:6 (7:0) esebimen utqan bolatyn.
Osylaısha, Elena Rybakına Gınnestiń rekordtar kitabyna ekinshi ret enip otyr. Ol ótken jyly Aýstralıa ashyq chempıonatynda reseılik Anna Blınkovamen eń uzaqqa sozylǵan taı-breıkke qatysqan edi.