Qazaqstannyń bírínshí, álemníń besínshí raketkasy Elena Rybakına eń tabysty sportshylardyń qataryna endí, - dep habarlaıdy Aqshamnews.kz tílshísí.
Sportico jurnalynyń deregíne súıensek, Rybakına 2025 jyly 12,6 mln dollar tabys tauyp, eń kóp tabys tapqan 15 áıel sportshynyń íshínde toǵyzynshy orynǵa tūraqtaǵan.
Reıtıngtíń kóshín ekí dúrkín «Úlken dulyǵa» chempıony, álemníń úshínshí raketkasy Korrı Gauff bastap tūr — onyń jyldyq kírísí 31 mln dollar, sonyń 23 mıllıony demeushílík kelísímderden túsken.
Ekínshí orynda álemníń bírínshí raketkasy, belarustyq Arına Sabalenka - 30 mln dollar tabyspen. Al úzdík úshtíktí alty márte «Úlken dulyǵa» jeńímpazy, álemníń ekínshí raketkasy Iga Svyontek túıíndedí - onyń jyldyq tabysy 23,1 mln dollar bolǵan.
Aıta keteıík, Elena Rybakına juyrda Er-Rıyadte ótken mausymnyń qorytyndy turnırínde tamasha óner kórsetíp, fınalda Arına Sabalenkany aıqyn basymdyqpen jeńdí. Osy turnırdíń nátıjesínde ol 5,235 mln dollar (shamamen 2,7 mlrd teńge) syıaqy ıelendí. Būl - áıelder tennısí tarıhyndaǵy bír turnır úshín berílgen eń írí júlde.
Būl jeńís Rybakınanyń 2022 jylǵy Uımbldondaǵy tarıhı trıumfynan keıíngí eń úlken jetístígí.
