Qazaqstanda aldaǵy uaqytta tarıhı jadty saqtau máselelerímen júıelí túrde aınalysatyn bolady, – dep habarlaıdy aqshamnews.kz tílshísí.
QR vıtse-prezıdentí Erlan Qarın būl turaly Instagram-daǵy paraqshasynda jazba jarıyalady.
"Osyǵan deıín eskertkíshterdí ornatudy rettep, tártípke keltírdík. Endí olardyń maǵynalyq, mazmūndyq sapasyna qatysty jūmysty bastaımyz. Óıtkení, barlyǵyna ortaq bír ūstanym kerek", dep jazady vıtse-prezıdent.
Onyń aıtuynsha, óńírlerde ashylǵan eskertkíshterden jershíldík pen qoǵamdaǵy taǵy da basqa bír keselderdíń belgílerí baıqalady.
"Shyn mánínde, qandaı da bír eskertkísh, músín nemese shaǵyn sáulet formasy bolsyn belgílí bír deńgeıde ūlttyq bíregeılíktí damytuǵa, ortaq qoǵamdyq qūndylyqtardy ornyqtyruǵa qyzmet etuí kerek. Sondyqtan, qalyptasqan osy bír kemshílíkterdí túzetumen júıelí árí tūraqty negízde aınalysudy kózdep otyrmyz. Būl rette, elímízdíń bírqatar tanymal músínshílerímen kezdesíp, óz oı-píkírlerímmen bólístím. Olarmen bírneshe jańa baǵytta jūmys júrgízuge kelístík", delíngen jazbada.