Memleket basshysy el tūrǵyndaryn Qazaqstan halqynyń bírlígí kúní merekesímen qūttyqtady
Memleket basshysy Qasym-Jomart Toqaev el tūrǵyndaryn Qazaqstan halqynyń bírlígí merekesímen qūttyqtady, dep habarlaıdy Almaty-akshamy.kz Aqordaǵa sílteme jasap.
Qadírlí otandastar!
Sízderdí Qazaqstan halqynyń bírlígí merekesímen shyn júrekten qūttyqtaımyn!
Būl – tūraqtylyq pen tynyshtyqty, tatulyq pen kelísímdí dárípteıtín meıram.
El bírlígí – bízdíń baǵa jetpes baılyǵymyz, memlekettílígímízdíń berík negízí. Qazaq jerí san aluan etnos ókílderíníń qūtty mekeníne aınalǵan. Barlyq azamattarymyz ótken tarıhy, búgíní men bolashaǵy bír ekenín tereń ūǵynady. Óıtkení jūrtymyzdyń qūndylyqtary da, arman-mūrattary da ortaq. Túptep kelgende, bárímíz – úlken qara shańyraqtyń, bírtūtas qazaq ūltynyń perzentterímíz.
Elímízdíń ósíp-órkendeuí qolǵa alǵan reformalardyń tıímdí júzege asyryluyna baılanysty. Bíz osy írgelí maqsattarǵa myzǵymas bírlíktíń arqasynda ǵana qol jetkízemíz.
Halqymyz «Yrys aldy – yntymaq» deıdí. Babalarymyzdyń būl ósıetí – Ádílettí Qazaqstandaǵy basty ūstanymnyń bírí. Bíz tatulyq, teńdík jáne ádíldík qaǵıdalaryna negízdelgen qoǵam qūramyz.
Bírlígí jarasqan jūrtymyzdyń abyroıy asqaq bolsyn!
Barshańyzǵa baq-bereke jáne tolaǵaı tabys tíleımín!
Mereke qūtty bolsyn, aǵaıyn!
Aıta keteıík, Qazaqstan halqynyń bírlígí kúní merekesí Memleket basshysynyń Jarlyǵyna sáıkes, 1996 jyldan berí atap ótílíp keledí.