Eks-mınıstr Ajar Ǵınıyat auyr jaraqat alǵan Aluanyń qazírgí jaǵdaıyn aıtty, - dep habarlaıdy aqshamnews.kz.
Būl turaly ol áleumettík jelídegí paraqshasynda bólístí.
"Keshe áríptesterímmen bírge auyr jaraqat alǵan Alua esímdí qyzdyń otbasyna bardyq. Jol-kólík oqıǵasy saldarynan segíz jastaǵy búldírshín ekí ayaǵynan aıyryldy", - dep jazdy Ǵınıyat.
Onyń aıtuynsha, būl jaǵdaı bolǵannan bastap ortalyq Aluaǵa qajettí kómektí kórsetu joldaryn qarastyryp keledí. Bastapqyda protez ornatylǵannan keıín keshendí ońaltu kursyn ūsynudy josparlanǵan. Alaıda qyzdyń anasy Mahabbattyń uaıymy men Aluanyń mazasyz kúıí kómektí dál qazír bastau qajet ekenín kórsetken.
"Qazír Alua qalalyq auruhanada em alyp jatyr. Keshe anasy Mahabbatpen kezdesude auruhanadan shyqqan soń qyzymyz bízdíń ortalyqta keshendí ońaltu kursynan ótetín bolyp kelísíldí. Būl kezeńde mamandarymyz onyń fızıkalyq jaǵdaıyn qalpyna keltírumen qatar, psıhologıyalyq jáne áleumettík beıímdeluíne de jan-jaqty qoldau kórsetetín bolady. Aluaǵy kómek kórsetu- bízdíń kásíbı boryshymyzdan būryn, adamı jauapkershílígímíz", - dedí ol.
Eske salaıyq, 3 mausymda Astanada jolaushylar míngen avtobus jol apatyna túsíp, bírneshe adam zardap shekken edí. Sonyń bírí – Alua Beken ekí ayaǵynan aıyryldy. Aluanyń otbasyna 30 mln teńge aqshalaı kómek kórsetíldí. Keıínnen qala ákímí Jeńís Qasymbek qyzdyń otbasyna baspana beríletínín aıtty.