Ekíbastūzda kafe íshínde bolǵan janjaldan keıín boıjetkenderdíń bírí túzetu jūmystaryna jegíldí, - dep habarlaıdy Aqshamnews.kz tílshísí Polisia.kz-ke sílteme jasap.
Íshkí íster mınıstrlígíníń málímetínshe, mas kúıdegí ekí qyzdyń arasynda janjal tuyndap, sońy tóbeleske ūlasqan.
"Tekseru barysynda kelushílerdíń arasynda janjal shyǵyp, ol ózara ūryp-soǵuǵa ūlasqany anyqtaldy. Qyzdar bír-bíríníń betíne alaqanmen úsh retten soqqy beríp, shashtarynan tartqan. Oqıǵa ózge kelushílerdíń kózínshe bolǵan, tóbelestí mekeme qyzmetkerlerí ajyratty", – dep habarlady polıtsıya.
Sot ís materıaldaryn qarap, janjalǵa qatysushylardyń bírín kínálí dep tanydy. Oǵan 100 aılyq eseptík kórsetkísh (AEK) kólemínde túzetu jūmystary túríndegí jaza taǵaıyndaldy.
