Dúnıejúzílík qorshaǵan ortany qorǵau kúní qarsańynda ekologıya salasynyń úzdíkterí marapattaldy
Búgín QR Ekologıya, geologıya jáne tabıǵı resurstar mınıstrlígínde Dúnıejúzílík qorshaǵan ortany qorǵau kúníne arnalǵan saltanatty jıyn óttí, dep habarlady Almaty-akshamy.kz.
Mınıstr Maǵzūm Myrzaǵalıev sala mamandaryn kásíbı merekesímen qūttyqtap, belsendí jūmys atqarǵandardy marapattady. Olardyń qatarynda ekologıya salasynyń ardagerlerí, maıtalmandary jáne jastar da bar. Máselen, Mınıstrlíktíń Halyqaralyq yntymaqtastyq departamentíníń dırektory Quat Áıgerím, qoǵamdyq keńes múshesí Artyuhına Galına “Ekologıya salasynyń úzdígí” tósbelgísímen marapattaldy. Al ekoambassador Abbasov Mıras, Saduaqasova Dınara alǵys hat aldy.
Maǵzūm Myrzaǵalıev, QR Ekologıya, geologıya jáne tabıǵı resurstar mınıstrí:
«Egemendí elímízdíń tabıǵatyn qorǵau jáne ekologıyalyq ahualyn jaqsartu jolyndaǵy qyzmetteríńízdíń jemísín kóríńízder. Sízderdíń qorshaǵan ortany saqtau men jaqsartu jolyndaǵy eńbekteríńíz úshín alǵysymdy bíldíremín».