Qazaqstan qūramasynyń úzdík boksshylarynyń bírí Dulat Bekbauov dopıng erejesín būzǵany úshín ekí jylǵa áuesqoı sporttan shettetíldí, - dep habarlaıdy Aqshamnews.kz tílshísí Halyqaralyq testíleu agenttígíne (ITA) sílteme jasap.
Halyqaralyq Olımpıada komıtetíne qaraıtyn ITA málímetínshe, Bekbauov sońǵy 12 aı íshínde dopıng-baqylau mamandaryna ózíníń ornalasqan jerí turaly derekterdí dūrys jáne tolyq bermegen. Sportshylar úshín būl antıdopıngtík talaptyń óreskel būzyluy bolyp sanalady.
Osyǵan baılanysty oǵan 2025 jylǵy 18 qarashadan 2027 jyldyń 17 qarashasyna deıín ekí jyl merzímge shettetu jazasy qoldanyldy. Būl sheshím tek áuesqoı boksqa qatysty.
Aıta keteıík, Dulat Bekbauov 2025 jyldyń shílde aıynda kásípqoı boksta debyut jasaǵan. Qoldanylǵan shekteudíń onyń kásípqoı mansabyna yqpaly joq, yaǵnı ol kásíbı rıngte óner kórsete alady.
Dulat Bekbauov – 2023 jylǵy álem chempıonatynyń kúmís júldegerí, sondaı-aq 2022 jáne 2024 jyldardaǵy Azıya chempıonattarynda ekí márte kúmís medal ıegerí atanǵan.
