Ūlttyq bank basshysynyń aıtuynsha, Qazaqstan jaqsy makroekonomıkalyq kórsetkíshterdí kórsetíp otyr, – dep habarlaıdy aqshamnews.kz tílshísí.
Qazaqstan Ūlttyq bankíníń tóraǵasy Tımur Súleımenov dollar baǵamynyń ósu múmkíndígí turaly píkír bíldírdí.
— Aldaǵy uaqytta dollar deńgeıíne qatysty aıtar bolsam, būǵan deıín aıtqanymdaı, ekonomıkamyzdyń írgetasy myqty. Ótken jyly tólem balansy tapshylyqpen jabyldy, al bıyl, boljam boıynsha, profıtsıt bolady. Būl — óte jaqsy makroekonomıkalyq kórsetkísh. Import kólemí shamamen sol deńgeıde saqtalyp otyr, sáıkesínshe valyutaǵa degen qosymsha úlken sūranysty da baıqap otyrǵan joqpyz, — dedí Súleımenov.
Ol osy faktorlardy eskere otyryp, dollar baǵamy aıtarlyqtaı ózgermeıdí dep sanaıtynyn atap óttí.
— Sondyqtan qarapaıym ekonomıkalyq jáne naryqtyq taldau tūrǵysynan alǵanda, dollar baǵamy qatty ózgermeıdí. Onyń óz mausymdyq erekshelíkterí, belgílí bír kórsetkíshterí bar. Bíraq olardyń barlyǵyna qatysty naqty boljam aıtpaımyn, óıtkení būl máselege naryq jauap beredí, — dedí Ūlttyq bank tóraǵasy.