Qazirgi zamannyń ózekti máseleleriniń biri - dinı ekstremızm men sanaǵa áser etý arqyly manıpýlásıa jasaý qaýpi.
Bul týraly Almatyda ótken jıyndaMemlekettik organdardyń qyzmetkerleri talqylady, dep habarlaıdy aqshamnews.kz.
İs-sharany uıymdastyrýshy - Din salasyndaǵy máselelerdi zertteý ortalyǵy. Ortalyq mamandarynyń pikirinshe, búginde aqparattyq jáne psıhologıalyq ımýnıtetti nyǵaıtý - asa mańyzdy, ásirese maqsatshyl ári yntaly memlekettik qyzmetshilerdiń arasynda, sebebi olar áserge beıim toptardyń biri sanalady.
Kezdesýde negizgi baıandama jasaǵan ortalyq bóliminiń basshysy Sádýaqasov Qanat dinı aǵym retinde kórinetin keıbir toptardyń shyn máninde adamdardyń erkindigi men sanasyn baǵyndyrýdy kózdeıtinin atap ótti. Mundaı toptar ásirese ınternette belsendi áreket etedi - «ustaz» beınesin jamylǵan radıkaldy tulǵalar senimge kirip, emosıa men bilimniń jetispeýshiligin sheber paıdalanady.
Dıalog barysynda qatysýshylar:
– ıdeologıalyq úgit-nasıhattyń belgilerin qalaı tanýǵa bolatynyn;
– synı oılaýdyń mańyzyn;
– zamanaýı sıfrlyq tehnologıalardyń ekstremıstik ıdeologıany taratýdaǵy rólin bildi.
Memlekettik qurylymdardyń qyzmetkerleri ashyq ári paıdaly kezdesýdi uıymdastyrǵany úshin alǵystaryn bildirdi. Radıkaldy ıdeıalar tez taralatyn qazirgi ýaqytta mundaı is-sharalar aldyn alý jumysynyń mańyzdy bóligine aınalyp otyr jáne azamattyq ımýnıtetti qalyptastyrýda sheshýshi ról atqarady.