Dımash Londonda ótken konsertinen keıin 13 qarasha kúni Germanıanyń astanasy Berlınge bardy, - dep habarlaıdy Aqshamnews.kz.
Búgin, 14 qarashada, Max-Schmeling-Halle arenasynda ánshiniń «Stranger» shoýy ótedi.
Berlınge alǵash kelgen qazaqstandyq ártisti jáne onyń komandasyn Berlın-Brandenbýrg áýejaıynda jankúıerleri gúl shoqtarmen jáne «We Are Golden» ánimen qarsy aldy.
Dımashtyń konserti Max-Schmeling-Halle atty Berlındegi eń iri sport jáne mádenıet kesheninde ótedi. Bul arena 1993–1997 jyldary Joppien Dietz Architekten sáýlet búrosynyń jobasy boıynsha, qalanyń 2000 jylǵy Olımpıada oıyndaryn ótkizýge bergen ótinimine baılanysty salynǵan bolatyn. Keshen áıgili nemis boksshysy Maks Shmelıngtiń esimimen atalady .
Frıdrıh Lúdvıg Ian atyndaǵy sport parkinde ornalasqan arenada halyqaralyq sporttyq jarystar, konsertter, shoý men kongrester ótkiziledi.