Úndístan astanasy Nyu-Delıdegí áıgílí turıstík aımaqta avtokólík jarylyp, qaıǵyly jaǵdaı tírkeldí, - dep habarlaıdy Aqshamnews.kz tílshísí.
Oqıǵa saldarynan segíz adam kóz jūmyp, taǵy 24 adam túrlí jaraqat alǵan.
Jarylys metronyń «Qyzyl qamal» («Red Fort») stantsıyasy mańynda bolǵan. Kuágerlerdíń aıtuynsha, Hyundai i20 kólígí otalyp jarylǵannan keıín mańyndaǵy bírneshe avtokólíkke de ot tıgen.
Atalǵan audan – Nyu-Delıdegí eń kóp turıst baratyn oryndardyń bírí. Būl jerde eldíń tarıhı mūrasy sanalatyn áıgílí Lal-Kıla (Qyzyl qamal) tsıtadelí ornalasqan. Jarylys bolǵan uaqytta aumaqta turıster kóp bolǵany aıtylady.
Úndístannyń íshkí íster mınıstrí Amıt Shah oqıǵanyń barlyq múmkín nūsqasy tekserílíp jatqanyn málímdedí. Jarylystyń naqty sebebí ázírge belgísíz. Aldyn ala derek boıynsha, kólík ne tūraqta tūrǵan, ne baǵdarshamda toqtaǵan kezde jarylǵan boluy múmkín.
Būqaralyq aqparat qūraldarynyń bírí NDTV bastapqyda 13 adamnyń qaza bolǵanyn habarlaǵan, alaıda būl aqparatty resmı organdar rastaǵan joq.
Oqıǵa orny tolyqtaı qorshauǵa alynyp, Nyu-Delıde joǵary daıyndyq rejımí engízíldí. Qauípsízdík sharalary búkíl el boıynsha kúsheıtíldí. Sondaı-aq jarylǵan kólíktíń būrynǵy ıesí tergeu ayasynda qamauǵa alynǵany belgílí boldy.
