Jas balasy bar analar qysqartylǵan jūmys kúníne jáne aqyly úzílísterge qūqyly, dep habarlaıdy aqshamnews.kz
Eger áıel adam dekrettík demalystan belgílengen merzímnen būryn jūmysqa shyqsa, al balasy álí bír jarym jasqa tolmasa, ol tolyq emes jūmys kúní tártíbínde eńbek etuge qūqyly. Būl bala emízudí jalǵastyru qajettílígímen baılanysty jáne Qazaqstan Respublıkasynyń Eńbek kodeksínde qarastyrylǵan.
Būl turaly Elektrondyq úkímet saıtynda aıtylǵan.
Dekrettík demalystan qalaı shyǵu kerek?
Dekrettík demalys áıelderge júktílígí jáne bosanuy boıynsha, balany 3 jasqa tolǵanǵa deıín asyrau boıynsha aqsha tólenbesten beríledí. Eger áıel bala kútímí boıynsha demalys merzímí ayaqtalǵanǵa deıín jūmysqa shyǵuǵa tílek bíldírse, oǵan jūmys berushíge jūmysqa shyǵu turaly ótíníshtí QR Eńbek kodeksíníń 100-babynyń 4-tarmaǵyna sáıkes boljamdy shyǵu kúnínen bír aı būryn ūsynu qajet.
Óz kezegínde jūmys berushí (QR Eńbek kodeksíníń 46-babyna sáıkes) "dekrettegíníń" lauazymyn uaqytsha atqaratyn jūmyskerdí eńbek qatynastarynyń ózgeruí - jūmystan shyǵaru nemese basqa lauazymǵa auystyru turaly bírden habardar etuí tıís.
Bala emízetín ana úshín tolyq emes jūmys kúní
Dekrettík demalystyń tıístí merzímínen būryn jūmysqa shyqqan áıel tolyq emes jūmys kúníne qūqyly. Būl balany emízu 1,5 jasqa deıín jalǵasu qajettílígímen túsíndíríledí.
QR Eńbek kodeksíníń 82-babyna sáıkes 1.5 jasqa deıíngí balalary bar áıelderge jūmystyń ár 3 saǵatynan kem emes uaqytqa balany (balalardy) tamaqtandyru úshín qosymsha úzílíster ūsynylady:
bír balasy barǵa - ár úzílís 30 mınuttan kem emes;
ekí nemese odan da artyq - ár úzílís 1 saǵattan kem emes.
Úzílís uaqytyn jáne onyń tártíbín jūmys berushímen kelísuge bolady: úzílísterdí túskí asqa qosuǵa nemese jūmys kúníníń basyna ne sońyna jınaqtap paıdalanuǵa rūqsat etíledí.
Mańyzdysy - būl úzílíster jūmys uaqytyna kíredí jáne ortasha jalaqy boıynsha tólenedí, yaǵnı qyzmetkerdíń tabysy azaımaıdy.
Zańgerlerdíń aıtuynsha, jūmys berushíníń mūndaı úzílísterdí beruden bas tartuy nemese tolyq emes jūmys kúnín qamtamasyz etpeuí eńbek zańnamasyn būzu bolyp esepteledí.
