Qazaqstannyń basym bólígínde 6 aqpan, jūma kúní aua raıy kúrt būzylady, dep habarlaıdy Aqshamnews.kz tílshísí.
«Qazgıdromet» taratqan málímetke sáıkes, el aumaǵynda qar aralas jańbyr jauyp, jel kúsheıedí. Keı óńírlerde būrqasyn soǵyp, kóktaıǵaq qalyptasady. Ásírese túngí uaqytta Mańǵystau oblysynyń soltústík-shyǵysynda qatty ayaz kútíledí. Al eldíń ońtústík-batysynda, Jambyl oblysynyń tauly aımaqtarynda, Túrkístan oblysynyń asularynda, Abaı oblysynyń ortalyǵynda jáne Jetísu oblysyndaǵy Alakól mańynda jeldíń jyldamdyǵy sekundyna 30 metrden asyp, qauíptí deńgeıge jetuí yqtımal.
Belsendí ońtústík tsıklon men atmosferalyq fronttardyń áserínen respublıkanyń soltústík-batysy, soltústígí, ortalyǵy jáne ońtústígínde tūraqsyz aua raıy saqtalady. Būl aımaqtarda qalyń jauyn-shashyn túsíp, keı jerlerde qar aralas jańbyr jauady. Sonymen qatar tūman túsíp, joldarda kóktaıǵaq qaupí kúsheıedí.
Tek batys jáne ońtústík-batys óńírlerde antıtsıklon sílemíníń yqpalymen jauyn-shashynsyz, salystyrmaly túrde tynysh aua raıy boljanyp otyr. Mamandar tūrǵyndarǵa alys jolǵa shyqqanda barynsha saq boludy jáne qolaısyz aua raıyn eskerudí ūsynady.
