Ázerbaıjan Syrtqy íster mınıstrlígí 5 nauryzda Nahchyvan Avtonomıyalyq Respublıkasynyń aumaǵyna Iran tarapynan dron shabuyly jasalǵanyn málímdedí, – dep habarlaıdy aqshamnews.kz tílshísí.
Vedomstvonyń habarlauynsha, bír ūshqyshsyz apparat áuejaı termınaly ǵımaratyna tıgen, taǵy bírí mektep mańyna qūlaǵan.
Ázerbaıjan SÍM málímetínshe, 5 nauryz kúndíz Nahchyvan Avtonomıyalyq Respublıkasynyń aumaǵyna Iran Islam Respublıkasynyń aumaǵynan ūshqyshsyz apparattar arqyly shabuyl jasalǵan. Bír dron Nahchyvan qalasyndaǵy áuejaı termınalynyń ǵımaratyna túsken, ekínshísí Shakerabad auylyndaǵy mektep ǵımaratynyń mańyna qūlaǵan.
«Bíz Iran Islam Respublıkasynyń aumaǵynan jasalǵan būl dron shabuyldaryn qatań aıyptaımyz. Sonyń saldarynan áuejaı ǵımaraty zaqymdanyp, ekí beıbít tūrǵyn zardap shektí. Ázerbaıjan Respublıkasynyń aumaǵyna jasalǵan būl shabuyl halyqaralyq qūqyqtyń normalary men qaǵıdattaryn būzady árí óńírdegí shıelenístíń kúsheyuíne yqpal etedí», – delíngen málímdemede.
Mınıstrlík Irannan oqıǵaǵa qatysty jaqyn uaqytta naqty túsíníkteme berudí, tıístí tergeu júrgízudí jáne mūndaı jaǵdaılardyń qaıtalanuyna jol bermeu úshín shūǵyl sharalar qabyldaudy talap etken.
Sonymen qatar Ázerbaıjan tarapy «tıístí jauap sharalaryn qabyldau qūqyǵyn ózínde qaldyratynyn» málímdedí.
Habarlamada Irannyń Ázerbaıjandaǵy Tótenshe jáne Ókílettí Elshísí Modjtaba Demırchıludyń SÍM-ge shaqyrylǵany, ıran tarapyna qatań narazylyq bíldírílíp, tıístí nota tapsyrylatyny da aıtylǵan.
