Qazaqstan kúres federatsıyasynyń prezıdentí Dáulet Tūrlyhanov būl sheshímí turaly áleumettík jelíde málímdep, keıíngí tórt jyldaǵy jūmysty qorytyndylap, áríptesteríne alǵys bíldírdí.
Tūrlyhanov óz jazbasynda būl qadamdy “tereń alǵys sezímímen jáne íshkí tynyshtyqpen” qabyldaǵanyn atap aıtty.
"Búgín men Qazaqstan kúres federatsıyasynyń prezıdentí qyzmetín ayaqtau turaly sheshím qabyldadym. Būl sáttí men tereń alǵys sezímímen jáne íshkí tynyshtyqpen qabyldaımyn", - dep jazdy ol.
Ol federatsıyamen bírge atqarǵan jūmysty baǵalap, bapkerlerden bastap dárígerler men seríktesterge deıín barlyq mamandarǵa alǵys aıtty.
Ol jetístíkterdí de de atap óttí.
Tūrlyhanovtyń basshylyǵy kezeńínde Qazaqstan kúresí bírneshe mańyzdy nátıjege qol jetkízgen:
Parıj-2024 Olımpıadasynyń kúmís júldesí;
eresekter arasynda – 3 álem chempıony;
23 jasqa deıín – 3 álem chempıony;
20 jasqa deıín – 4 álem chempıony;
17 jasqa deıín – 4 álem chempıony.
"Būl jeńíster – bízdíń bírtūtas komandamyzdyń eńbegí, kúresímízdíń bolashaǵyna sengen, tabandylyq tanytqan, jankeshtílíkpen jūmys ístegen adamdardyń ortaq jetístígí", - dedí ol.
Tūrlyhanov qazaq kúresíníń halyqaralyq arenadaǵy bedelín arttyru, írí turnırlerdí ūıymdastyru jáne jas talanttarǵa jol ashu – osy kezeńníń basty nátıjelerí ekenín aıtty.
Sonymen qatar, ol federatsıyaǵa jańa basshylyq keluí sporttyń damuyna tyń serpín beretíníne sením bíldírdí.
"Sport tek sabaqtastyq pen alǵa jylju bar jerde damıdy. Jańa komanda jańa kózqaras, tyń ıdeyalar jáne bízdíń súıíktí sportymyzdy damytuǵa tyń serpín ákeletíníne shyn júrekten senemín", - dedí ol.
Sońynda Tūrlyhanov elge qyzmet etudí jalǵastyratynyn atap óttí.
"Men Otanymyzǵa qyzmet etuden eshqashan bas tartpaımyn. Qazaqstandy damytu – meníń basty basymdyǵym, jáne elge, qoǵamǵa paıda tıgíze alatyn kez kelgen jerde óz úlesímdí qosa beretín bolamyn", - dep jazdy Tūrlyhanov.
