Aktrısa Darıǵa Badyqovanyń burynǵy jubaıy Darhan Musaev áleýmettik jelidegi storısinde óz ómirin shyǵarmashylyqqa arnaýǵa sheshim qabyldaǵanyn málimdedi, - dep habarlaıdy Aqshamnews.kz tilshisi.
Onyń aıtýynsha, qazir stýdıada jumys júrip jatyr: án jazý, fılm senarıin qarastyrý jáne bolashaq josparlardy naqtylaý qolǵa alynǵan.
"Qazir stýdıada án jazyp jatyrmyz, fılm senarıin qarap, aldaǵy josparlardy aıqyndap jatyrmyz", - dep jazdy ol.
Darhan Musaev biraz ýaqyt áleýmettik jelide kórinbeı ketkenin aıtyp, qazirgi jaǵdaıynyń jaqsy ekenin jetkizdi.
"Meni izdep, ýaıymdaǵandar bolsa - shúkir, bári jaqsy. Ákemniń: “Ómirde súrinseń de, qulama, balam” degen sózi maǵan úlken kúsh berdi. Sodan beri ózimdi qolǵa alyp, sportpen aınalysa bastadym. Úsh aıda 130 kılogramnan 90 kılogramǵa deıin tómendedim. Túsingenim eshbir jeńis eńbeksiz kelmeıdi. Qulaý ońaı, qaıta turý qıyn!" - dedi ol.
Eske salaıyq, buǵan deıin qazaqstandyq aktrısa Darıǵa Badyqova akter Darhan Musaevpen ajyrasýyna qatysty alǵash ret pikir bildirgen bolatyn. Eks-jubaıynyń "Ýaqyt kórsetedi" baǵdarlamasyndaǵy suhbatynan keıin aktrısa Instagram jelisinde óz oıy men sezimderin bólisken edi.