Almaty qalasynyń ákímí Darhan Satybaldy jūmys sapary ayasynda qalanyń kommunaldyq avtobus jáne trolleıbus parkterín aralap, olardyń tehnıkalyq jaǵdaıy men qoǵamdyq kólíktíń qyzmet kórsetu sapasyn tekserdí, - dep habarlaıdy aqshamnews.kz.
Atap aıtqanda, qala basshysy Almaly audanynda ornalasqan, jalpy audany 4,2 gektar bolatyn trolleıbus parkíne bardy. Qazírgí tańda mūnda 212 jańa trolleıbus qyzmet kórsetedí. Trolleıbus baǵyttary boıynsha jolaushylar sany kúníne shamamen 130 myń adam.
"Almatyelektrotrans" kommunaldyq kásíporny qazírgí uaqytta kabeldík jáne kontaktílík jelílerdí, sondaı-aq transformatorlyq qosalqy stantsıyalardy jańartu jūmystaryn jalǵastyruda. Alaıda, park ınfraqūrylymy da jańartudy qajet etedí. Jóndeu aımaǵy, qoımalar men dıspetcherlík ǵımarattar 1960 jyldary salynǵan jáne osy uaqytqa deıín kúrdelí jóndeuden ótpegen.
Osyǵan baılanysty, qala ákímí kásíporyn basshysy Aleksandr Beısembıevke Almatydaǵy jalǵyz trolleıbus parkíníń jobalyq-smetalyq qūjattamasyn ázírleudí tapsyrdy.
Sapar barysynda Darhan Satybaldy sondaı-aq, Túrksíb audanynda ornalasqan №1 jáne №2 avtobus parkteríníń jūmysymen tanysty. Būl parkterde júrgízushílerge arnalǵan jataqhanalar, kólík juu keshenderí jáne basqa da ınfraqūrylymdyq nysandar ornalasqan.
№1 avtobus parkínde qazírgí tańda 300 gazben júretín avtobus qyzmet kórsetude. Kelesí jyldyń sońyna deıín būl parkte jańa juu keshenín salu, ınjenerlík jelílerdí tolyq jańartu, sondaı-aq jeke ınvestıtsıyalar esebínen jańa gaz qūyu stantsıyasyn (AGNKS) íske qosu josparlanyp otyr.
№2 parkínde 320 avtobus tírkelgen. Bıyl būl jerde gaz qūyu stantsıyasy men júrgízushíler jataqhanasyna jóndeu jūmystary júrgízílmek.
Jalpy, "Almatyelektrotrans" kásíporny 5 avtobus parkíne, 1 trolleıbus parkíne jáne mektep avtobustary parkíne ıelík etedí. Qazírgí tańda Almaty qalasynda 2 435 bírlík qoǵamdyq kólík paıdalanysta.
Búgínde avtobustarǵa janarmaı qūyu ınfraqūrylymyn damytu — ózektí másele. Qala aumaǵynda 8 gaz qūyu stantsıyasy jūmys ísteıdí, alaıda olardyń keıbírí jańǵyrtudy qajet etedí. Sonymen qatar, jańa kólík qūraldarynyń satyp alynuyna baılanysty qosymsha avtoparkter salu qajettílígí tuyndap otyr.
"Avtobus marshruttaryn avtoparkterge dūrys bólu kerek. Yaǵnı, kólík óz baǵytyna alys jerden bos júríp barmauǵa tıís. Sondaı-aq, bíz qalanyń batys jáne shyǵys bólíkterínde, ásírese Nauryzbaı audanynda, bolashaq polıtsentrler ayasynda avtoparkterge arnalǵan jer telímderín aldyn ala qarastyruymyz qajet", – dedí qala ákímí Darhan Satybaldy.
Sapar qorytyndysy boıynsha, qala basshysy Qalalyq josparlau basqarmasyna jańa avtoparkter úshín jer telímderín anyqtaudy, al qūzyrly basqarmalarǵa — jobalyq-smetalyq qūjattamany jedel túrde ázírleudí tapsyrdy.
Sonymen qatar, salalyq basqarmalarǵa qoldanystaǵy gaz qūyu stantsıyalaryn jańartu jáne jańalaryn salu úshín jeke ınvestorlardy tartu máselesín qarastyru tapsyryldy.