Qazaqstannyń iri qalalarynda karantındik shekteý engizildi.
Al Almaty epıdemıologıalyq ahýalǵa baılanysty «qońyr qyzyl» aımaqqa ótti, dep habarlaıdy Almaty-akshamy.kz
COVID-19 taralýyna jol bermeý jónindegi VAK-tyń málimeti boıynsha, AQSH ujymdyq ımýnıtetti qalyptastyrýǵa bir taban jaqyndady. Eresekterge arnalǵan COVID-19 vaksınasıasynyń maqsaty is júzinde oryndaldy. Jańa tıptegi koronavırýstyq vaksınanyń kem degende bir dozasyn 18 jastan asqan adamdardyń 70% aldy. Amerıkanyń eresek turǵyndarynyń 60,6%-i tolyǵymen egildi. Djons Hopkıns Ýnıversıtetiniń málimeti boıynsha, AQSH-ta COVID-19 vırýsyna shaldyǵýdyń 35 mıllıonnan astam jaǵdaıy tirkelgen, 613 488 adam aýrý saldarynan qaıtys bolǵan.
Ulybrıtanıadaǵy eresek turǵyndardyń 88%-dan astamy COVID-19 vırýsyna qarsy vaksınanyń alǵashqy dozasyn aldy, 72%-ten astamy ekinshi dozasyn qabyldaǵan. Alaıda koronavırýstyń taralý deńgeıi áli de tómendegen joq. Ótken táýlikte 21 952 adam indetke shaldyqqan. Vırýs juqtyrǵandardyń jalpy sany 5 902 354-ke deıin ósti. Kóz jumǵan adamdardyń jalpy sany 129 743-ke jetti. Jaqynda Ulybrıtanıa kóptegen shekteýlerdi alyp tastady. Ǵalymdar karantındi jeńildetý vırýstyń qaýipti shtamdarynyń taralý yqtımaldyǵyn arttyrýy múmkin dep eskertedi.