QR Eńbek jáne halyqty áleumettík qorǵau mınıstrlígíníń bastamasymen erekshe qajettílíkterí bar adamdarǵa ınvataksı qyzmetín kórsetu kezínde taksı agregatorlaryn paıdalanu jóníndegí pılottyq jobany íske asyru sheńberínde 2025 jyly Astana men Almaty qalalarynda atalǵan qyzmet 489,8 myń ret kórsetíldí, - dep habarlaıdy Aqshamnews.kz cala mınıstrlígíne sílteme jasap.
2024 jyldyń qorytyndysy boıynsha múgedektígí bar adamdarǵa ınvataksı qyzmetí 207,2 myń ret kórsetílgenín esteríńízge salamyz.
Būdan būryn habarlaǵandaı, ınvataksı qyzmetín kórsetu jyldamdyǵy men sapasyn arttyru maqsatynda Eńbekmıní ákímdíktermen bírlesíp osy qyzmettíń tetígíne ózgertu engízu turaly sheshím qabyldady. Mysaly, azamattarǵa qyzmet aludan bír kún būryn telefon arqyly jazylu qajet, būl óz saparlaryn aldyn ala josparlauǵa, ınvataksı berudí kútuge májbúr etedí, ınvataksı qyzmetterín ūsynu úshín kólík qūraldarynyń jetíspeushílígí jáne
t. b. máseleler bar.
- Sharttardy jeńíldetu úshín osy qyzmettí kórsetuge qatysuǵa tıístí sūranys alǵan taksı agregatorlaryn tartu boıynsha pılottyq jobaǵa bastama jasaldy.
Mūndaǵy basty shart saparlardyń aqysynan paıyzdyń bolmauy, olar ádette agregator platformalarynyń paıdasyna audarylatyn. Yandeks kompanıyasy pılottyq jobaǵa óteusíz negízde qatysuǵa nıet bíldírdí.
Pılottyq joba sheńberínde azamattar Yandeks Go mobıldí qosymshasy arqyly Invataksı qyzmetín qoldana alady. Būl qyzmettí alushy úshín kólíktí tezírek tańdauǵa, onlaın rejımínde tapsyrys mártebesín qadaǵalauǵa jáne jasalǵan saparlarǵa monıtorıng júzege asyruǵa múmkíndík beredí. Atalǵan qosymshada múgedektígí bar adamdar júrgízushíge sapardaǵy erekshe qajettílíkterí turaly eskertuí úshín arnaıy múmkíndíkter ekrany íske qosyldy. Óz kezegínde, júrgízushíler adamdy kólíkke otyrǵyzu jáne odan túsude qalaı kómek kórsetuge bolatyn sekíldí arnaıy nūsqaular alady, - delíngen aqparatta.
Bıyl Astana jáne Almaty qalalarynan múgedektígí bar adamdar qatarynan fokus-toptyń qatysuymen jobany pılottyq rejımde íske asyru jalǵasuda. Aldaǵy uaqytta elímízdíń basqa óńírleríne masshtabtau josparlanuda.