Qyzylordada ótíp jatqan V Ūlttyq qūryltaıda Memlekettík keńesshí Erlan Qarın Burabaıdaǵy qūryltaıdyń negízgí nátıjeleríne toqtaldy, - dep habarlaıdy aqshamnews.kz.
- Qūryltaıdyń Burabaıdaǵy tórtínshí otyrysynan keıín Memleket basshysynyń tapsyrmasyn oryndau maqsatynda 53 tarmaqtan tūratyn arnaıy jospar bekítíldí. Osy josparǵa sáıkes, bírneshe baǵytta jūmystar júrgízíldí. Bírínshíden, qūryltaı bastaularyn júzege asyru barysynda Parlament deputattarynyń qoldauymen byltyr 6 zań qabyldandy, - dedí ol.
Memlekettík keńesshí būl zańdar balalardyń qauípsízdígín qamtamasyz etu, qūqyqqa qaıshy keletín kontenttíń taraluyn shekteu, jekemenshík obektílerge atau berudí júıeleu, qoǵamdyq oryndarda bet-júzdí búrkeıtín kıímge tyıym salu, arheologıya salasyn retteu baǵyttaryn qamtyǵanyn eske saldy.
- Būǵan qosa osy uaqyt íshínde taǵy 10 zań jobasy jūmysqa alyndy, - dedí Erlan Qarın.