Memleket basshysy Armenıya premer-mınıstrímen kelíssóz júrgízdí, - dep habarlaıdy Aqshamnews.kz tílshísí.
Qasym-Jomart TOQAEV:
– Asa qūrmettí Nıkol Vovaevıch, Qazaqstanǵa qosh keldíńíz! Sízdíń saparyńyz óte mańyzdy. Ekí eldíń strategıyalyq seríktestík deńgeıíndegí qarym-qatynasynyń damuyna úlken serpín beredí dep senemíz. Būl – Qazaqstanǵa alǵashqy saparyńyz. Shyn mánínde, qazaq halqy Armenıya jūrtyna, tarıhyna, salt-dástúríne, mádenıetíne zor qūrmetpen qaraıdy. Sapar barysynda bírqatar mańyzdy kelísímge qol qoıylady.
Nıkol PAShINYaN:
– Asa qūrmettí Prezıdent myrza, mení Qazaqstanǵa resmı saparmen shaqyryp, Astanada qonaqjaılyq tanytqanyńyz úshín alǵys aıtamyn. Būl sapar bízdíń ekíjaqty qarym-qatynasymyzǵa tyń serpín beredí. Qos memleket arasyndaǵy yntymaqtastyqtyń jańa kezeńí Sízdíń byltyr Armenıyaǵa jasaǵan resmı saparyńyzdan bastau aldy. Sonyń nátıjesínde mańyzdy kelísímderge qol qoıyldy. Onyń keıbírí júzege asyryldy, qalǵan bólígí oryndalu ústínde. Qazaqstanǵa resmı saparmen kelu – men úshín zor mártebe!