AQSh prezıdentí Donald Tramp Iranǵa "auyr soqqy" jasaluy múmkín ekenín aıtyp, qoqan-loqy kórsettí. Būl turaly ol Truth Social áleumettík jelísínde jazdy, – dep habarlaıdy aqshamnews.kz tílshísí.
Tramptyń sózínshe, qazír "jeńílíske ūshyrap jatqan" Iran Tayau Shyǵystaǵy kórshílerínen keshírím sūrap, būdan bylaı olarǵa oq atpaıtynyn málímdegen. Onyń aıtuynsha, būǵan AQSh pen Izraıldíń tolassyz shabuyldary sebep bolǵan.
"Būl - Irannyń myńdaǵan jyl íshínde Tayau Shyǵystaǵy kórshí elderden alǵash ret jeńíluí. Olar: "Raqmet, prezıdent Tramp", - dedí. Men: "Oqasy joq!" - dep jauap berdím", - dep jazdy AQSh prezıdentí.
Tramptyń sózínshe, Iran tíze búkpeıínshe nemese tolyq kúıremeıínshe mūndaı kúıde qala beredí.
"Búgín Iranǵa auyr soqqy jasalady. Irannyń terís áreketteríne baılanysty osy uaqytqa deıín nysana retínde qarastyrylmaǵan aumaqtar men adamdar toptaryn tolyq joyu jáne olardyń sózsíz qaza tabuy máselesí qazír qarastyrylyp jatyr", - dep qoqan-loqy jasady ol.
Būǵan deıín Tramp Iranǵa qatań talaptar qoıǵan bolatyn. Atap aıtqanda, ol Iranmen qandaı da bír kelísím tek onyń "sózsíz tíze búguí" jaǵdaıynda ǵana múmkín ekenín málímdedí. Sondaı-aq, ol Irannyń kelesí basshysyn tańdauǵa jeke qatysuy kerek ekenín aıtqan.
