Búgín aua raıy kúrt ózgeredí dep boljandy, – dep habarlaıdy aqshamnews.kz tílshísí.
"Qazgıdromet" RMK málímetínshe, jauyn-shashynsyz aua raıy eldíń shyǵysynda, ońtústík-shyǵysynda jáne ortalyq óńírlerínde ǵana kútíledí.
Sondaı-aq boljamǵa sáıkes, túnde Shyǵys Qazaqstan oblysynyń soltústígí men shyǵysynda -2°S-qa deıín úsík júruí múmkín.
"Soltústík-batys tsıklonynyń jyrasy men atmosferalyq frontaldy bólíkterdíń ótuíne baılanysty Qazaqstan aumaǵynyń basym bólígínde aua raıy qūbylmaly bolady – jańbyr jauyp, naızaǵaı oınaıdy. Respublıka boıynsha jel kúsheıedí, kúndíz batys pen shyǵysta shańdy dauyl, soltústíkte jáne ońtústík-batysta dauyl kútíledí. Túngí uaqytta batysta, shyǵysta jáne ońtústík-shyǵystyń tauly aımaqtarynda tūman túsedí", – delíngen "Qazgıdromet" RMK baspasóz qyzmetíníń habarlamasynda.
Būdan bólek, bírqatar óńírde órt qaupí joǵary bolady:
joǵary órt qaupí – Atyrau, Batys Qazaqstan, Aqtóbe oblystarynda, Ūlytau jáne Jetísu oblystarynda, Mańǵystau oblysynyń soltústígínde, shyǵysynda jáne ortalyǵynda, Qostanaı oblysynyń soltústík-batysynda, batysynda, ońtústígínde jáne ortalyǵynda, Aqmola oblysynyń batysy men ońtústígínde, Soltústík Qazaqstan, Qaraǵandy oblystarynyń batysy men shyǵysynda, Qyzylorda oblysynyń batysy men ortalyǵynda, Jambyl jáne Almaty oblystarynyń soltústígínde, Shyǵys Qazaqstan oblysynyń ońtústígínde, Abaı oblysynyń soltústík-batysynda, ońtústígínde jáne ortalyǵynda;
tótenshe órt qaupí – Qyzylorda jáne Qaraǵandy oblystarynyń ońtústígí men soltústígínde, Mańǵystau oblysynyń soltústík-shyǵysynda, Atyrau oblysynyń ortalyǵy men soltústík-shyǵysynda, Aqtóbe oblysynyń ońtústígí men shyǵysynda, Pavlodar oblysynyń shyǵysynda, sondaı-aq Jetísu, Abaı oblystarynda, Ūlytau oblysynyń shyǵysynda, ońtústígínde jáne ortalyǵynda, Túrkístan oblysynyń soltústígínde, Aqmola oblysynyń ońtústík-shyǵysynda kútíledí.