20 qarashada Brazılıanyń Belen qalasynda ótip jatqan COP30 klımat samıtinde órt shyǵyp, qatysýshylar shuǵyl túrde ǵımarattan evakýasıalandy, - dep habarlaıdy Aqshamnews.kz tilshisi Reuters-ke silteme jasap.
Oqıǵa 2025 jylǵy 20 qarashada samıttiń «Kók aımaǵynda» (Blue Zone) bolǵan. Órt shyqqan pavılonnan adamdar syrtqa shyǵarylǵan. Oqıǵa jedel jetken órt sóndirýshiler qyzyl jalyndy tolyq sóndirgen. Qýanyshqa oraı eshkim zardap shekpegen.
"Órttiń neden shyqqany tergeý barysynda anyqtalady, biraq men onyń qasaqana jasalǵan qylmys ekenine kúmánim bar", - dedi Brazılıanyń týrızm mınıstri Selso Sabıno.
Órt konferensıadaǵy talqylaýlarǵa barynsha kedergisin keltirgen, sebebi kelissózderdiń sońǵy kezeńi jaqyndap qalǵan edi.
"COP30-daǵy BUU-nyń klımat jónindegi jumysyn, halyqtyq plenarlyq otyrysty buzyp, kelissózderge kedergi keltirgen órt, ókinishke qaraı, aıqyn metaforaǵa aınaldy, - dedi AQSH-tan kelgen belsendi Djes Vesponte.
Eske salaıyq, buǵan deıin Brazılıanyń Belen qalasynda klımattyń ózgerýine baılanysty ótken BUU-nyń 30-shy konferensıasynda 12 elden turatyn top klımattyń ózgerýi týraly deklarasıaǵa qol qoıǵany habarlanǵan edi.