189 qazaqstandyq "Bolashaq" stıpendıyasynyń ıegerí atandy, dep habarlaıdy aqshamnews.kz
2025 jyly konkurs keshendí testíleu men jeke áńgímelesudí qamtıtyn kezeńdík íríkteudíń jańa erejelerí boıynsha ótkení belgílí.
"Jańa stıpendıattardyń jalpy sanynan 164 adam magıstraturada, 10 adam doktoranturada oqıdy, al 15 qazaqstandyq "álemníń úzdík unıversıtetterí men ortalyqtarynda" kásíbı taǵylymdamadan ótedí", – dep habarlady ortalyq.
Halyqaralyq stıpendıya jeńímpazdarynyń tízímín myna jerden kóruge bolady.
"Bolashaq" – Qazaqstan Respublıkasy Prezıdentíníń halyqaralyq bílím beru stıpendıyasy. Baǵdarlamanyń maqsaty – el ekonomıkasynyń basym sektorlary úshín kadrlar men mamandardy dayarlau, qaıta dayarlau jáne bílíktílígín arttyru. Baǵdarlama joǵary oqu oryndarynda ǵylymı dáreje aludy da, álemníń jetekshí kompanıyalary men unıversıtetterínde ǵylymı jáne óndírístík taǵylymdamadan ótudí de qamtıdy.
2025 jylǵy 22 mamyrda Konstıtutsıyalyq sot "Bolashaq" baǵdarlamasyn ayaqtaǵannan keıín Qazaqstanda jūmys ísteu zańǵa sáıkes azamattyq-qūqyqtyq sharttyń sharty bolyp tabylatynyn túsíndírdí.