Bokstan Qazaqstan erler quramasynyń jańa bas bapkeri bolyp Nurjan Nasanov taǵaıyndaldy, - dep habarlaıdy Massaget.kz tilshisi Qazaqstan boks federasıasynyń baspasóz qyzmetine silteme jasap.
Nurjan Nasanov týraly ne belgili?
Nurjan Nasanov 1975 jylǵy 23 qazanda dúnıege kelgen.
Jattyqtyrýshylyq qyzmetin 2016 jyly bastaǵan. Al 2024 jylǵy tamyzdan beri ulttyq quramanyń bapkerler shtabyna kirip, komandanyń burynǵy jetekshisi Qaırat Sátjanovpen birge jumys istedi. Onyń shákirtteri qatarynda eki dúrkin álem chempıony Sanjar Táshkenbaı jáne basqa da birqatar boksshy bar.
Nasanov bul qyzmette densaýlyǵyna baılanysty ulttyq quramamen jumysyn toqtatýǵa májbúr bolǵan Qaırat Sátjanovtyń ornyn basty.
"Sátjanov Qaırat Tursynhanuly 2024 jylǵy tamyzdan bastap Ulttyq quramanyń bas jattyqtyrýshysy qyzmetin atqardy. QR eńbek sińirgen jattyqtyrýshysynyń jetekshiligimen erler komandasy kóptegen halyqaralyq týrnırde top jaryp, álem chempıonatynyń júldelerin ıelendi. 35 jyldan asa tájirıbesi bar maman densaýlyǵyna baılanysty bul qyzmetten bas tartýyna týra keldi. Qaırat Tursynhanulyna otandyq boks qaýymdastyǵynyń atynan alǵys bildiremiz", - delingen resmı habarlamada.
Buǵan deıin 2019 jylǵy álem chempıony Bekzad Nurdaýletov Mańǵystaý oblysyndaǵy bokstan olımpıadalyq rezervtiń respýblıkalyq mamandandyrylǵan mektep-ınternatynyń dırektory bolyp taǵaıyndalǵany belgili bolǵan.