Shymkentte stalkerdíń qolynan qaza tapqan student qyzdyń oqıǵasyna taǵy bír jańa málímet qosyldy, dep habarlaıdy aqshamnews.kz tlshísí.
Nūraıdy pyshaqtap óltírgen qylmysker Sherhan Aımahan belgílí bloger Maǵjan Aımahannyń tuysy eken, yaǵnı bloger tuystary jazanyń jeńíldeuíne yqpal etuí múmkín degen aqparat áleumettík jelíde tarap kettí.
Osy taraǵan aqparatqa qatysty bloger Maǵjan Aımahan men onyń kelínshegí, bloger Kámıla Ádílhan ınstagram paraqshasyna vıdeo-túsíníkteme jarıyalap, el aldyna shyqty.
"Shymkentte bolǵan Nūraıǵa qatysty oqıǵa boıynsha shyǵyp tūrmyz. Eń bírínshí, Nūraıdyń ata-anasyna, tuystaryna shyn júrekten qaıǵyryp kóńíl aıtamyz. Alla taǵala júrekteríńízge tynyshtyq bersín, qazírgí jaǵdaılaryńyzdy meıírímdílíkpen jeńíldetsín!
Būl - kez kelgen ata-ana úshín orny tolmas qaıǵy.
Ekínshíden, Sherhan Aımahan - meníń ákemníń ínísíníń balasy, bízdíń tuysymyz. Eshkím balasynyń qatígez, zūlym bolǵanyn qalamaıdy, esh ata-ana qyzynyń ayaq asty bíreudíń qolynan ólíp ketkenín de kútpeıdí, būl oqıǵa ózímízge de auyr tıíp tūr. Ekí jaqtyń ata-anasyna da óte auyr jaǵdaı, ekí taraptyń da qazírgí jaǵdaıyn adam balasyna tílemeımíz, mūndaıdan Alla saqtasyn!
Kópshílík blogermen tuystyǵy ádíletsíz sheshímge sebep bola ma dep jatyr eken, kerísínshe bíz eldíń aldynda júrgen adam retínde qansha tuysymyz bolsa da sottyń ádíl sheshímí shyqqanyn, qylmysynyń ádíl jazasyn alǵanyn qalaımyz.
Bloger ǵoı, "búıtedí, súıtedí" dep baıqamaı kúná arqalap júrmeńízder, bíz eń bírínshí Allanyń jazasynan qorqamyz, sol sebeptí būl qylmysty aqtap alatyn oıymyz joq, būl óte zūlymdyqpen jasalǵan qylmys.
Qazír jaman sóz jazbaı, Nūraı úshín dūǵa eteıík, topyraǵy torqa bolsyn, al qylmys jasaǵan adam ádíl jazasyn alsyn!", dedí erlí-zaıypty blogerler.
