Oksford 2025 jyly jıi qoldanylǵan sózdi atady, dep habarlaıdy aqshamnews.kz
Sońǵy 12 aıda bul sózdi qoldanylý jıiligi úsh ese artqan.
Oksford ýnıversıtetiniń baspa bólimi 2025 jyldyń sózi retinde "reıdjbeıt" (rage bait) termınin tańdady.
Rage bait – ádette belgili bir veb-betke nemese áleýmettik jelidegi akkaýntqa trafık pen nazar tartý úshin jarıalanatyn, ádeıi ashý-yza nemese narazylyq týdyrýǵa baǵyttalǵan, arandatýshylyq nemese qorlaıtyn mazmun.
"2025 jylǵy jańalyqtar leginde áleýmettik tolqýlar, onlaın-kontentti retteý týraly pikirtalastar jáne sıfrlyq ál-aýqatqa qatysty alańdaýshylyqtar basym boldy. Bizdiń sarapshylar bıyl rage bait sóziniń qoldanylýynyń ózgergenin baıqady, bul – ınternettegi belsendilik jáne etıka týraly áńgimelerdiń ózgeriske ushyraǵanyn kórsetedi", – delingen Oksford ýnıversıteti baspasynyń (Oxford University Press) habarlamasynda.