Áleumettík medıtsınalyq saqtandyru qorynyń Almaty qalalyq fılıalynyń málímetínshe, 2026 jyly almatylyqtardyń densaulyǵyna MÁMS (míndettí áleumettík medıtsınalyq saqtandyru) boıynsha 165 mlrd teńgení qosa alǵanda, 367,6 mlrd teńgeden astam qarajat bólíndí, dep habarlaıdy aqshamnews.kz
Qor tegín medıtsınalyq kómektíń kepíldendírílgen kólemí paketí qūramyna shūǵyl jáne jedel medıtsınalyq kómek, aınaladaǵy adamdarǵa qauíp tóndíretín asa qauíptí aurulardy emdeu, sondaı-aq áleumettík mańyzy bar 11 auru, pallıatıvtík medıtsınalyq kómek jáne qan preparattarymen qamtamasyz etu kíretínín naqtylaıdy.
"Būl medıtsınalyq qyzmetter saqtandyru mártebesíne qaramastan barlyq azamattarǵa kórsetíledí. Sondaı-aq míndettí áleumettík medıtsınalyq saqtandyru júıesíndegí medıtsınalyq kómekke 202,6 mlrd teńgeden astam qarajat bólíndí", dep habarlaıdy qordyń almatylyq fılıaly.
2026 jyly Almaty qalasy boıynsha Medıtsınalyq saqtandyru qory 218 medıtsınalyq ūıymmen kelísímshart jasasty. Onyń íshínde — 126 mekeme jekemenshíkte. Almatylyqtar alǵashqy medıtsınalyq-sanıtarıyalyq kómek kórsetetín 78 ūıymnyń (emhanalardyń) bíríne tírkele alady.
2026 jyldyń qańtar aıynan bastap ál-auqaty tómen almatylyqtar men resmı tírkelgen jūmyssyzdar úshín MÁMS jarnalaryn qala ákímdígí tóleıtín boldy. Būl shara Almatynyń 62 myńnan astam tūrǵynyn qamtıdy.
MÁMS mártebesín qordyń resmı saıty arqyly tekseruge bolady: msqory.kz, Telegram-saqtandyrybot boty, sondaı-aq Qoldau 24/7 mobıldí qosymshasy jáne ekínshí deńgeılí bankter arqyly.