Qazaqstannyń 12 óńírínde kún raıyna baılanysty eskertu jarıyalandy, - dep habarlaıdy aqshamnews.kz tílshísí.
Abaı oblysynyń soltústígí men ońtústígín qalyń tūman basady. Óńírdíń ońtústík-batysy, shyǵysy men ortalyǵynda soltústík-batys jáne soltústík baǵyttaǵy jeldíń jyldamdyǵy sekundyna 15–20 metrge jetíp, ekpíní 25 metrge deıín kúsheıedí. Túnde oblystyń soltústígínde ayaz 40 gradusqa deıín kúsheıedí.
Qostanaı oblysynyń ońtústígí men shyǵysynda boran kúsheıedí. Jel soltústík-shyǵystan soǵyp, ekpíní sekundyna 15–20 metrge deıín barady.
Aqmola oblysynyń batysy men ońtústígínde soltústík-shyǵys jáne shyǵys baǵyttaǵy jel 15–20 m/s-qa deıín údeıdí.
Qonaev qalasynda kún qūbylyp, keı uaqytta jayau būrqasyn soǵady.
Mańǵystau oblysynyń batysy, soltústígí men ortalyǵynda kóktaıǵaq pen jayau būrqasyn kúsheıedí, soltústík jáne ońtústík bólíkterínde tūman túsedí. Aqtauda jol betí kóktaıǵaqqa aınalady.
Túrkístan oblysynyń batysy, soltústígí jáne tauly audandarynda jayau būrqasyn soǵady. Túrkístan qalasynda jańbyr men qar aralas jauyn, kóktaıǵaq jáne boran bolady. Jeldíń ekpíní 15–20 m/s-qa deıín jetedí.
Shymkentte jauyn-shashyn molayady, kúndíz jańbyr men qar aralas jauyn jauady. Kóktaıǵaq pen jayau būrqasyn jol qozǵalysyn qıyndatady. Jel soltústík-shyǵystan soǵyp, 15–20 m/s-qa deıín kúsheıedí.
Qyzylorda oblysynyń soltústígínde qar, boran jáne kóktaıǵaq bolsa, ortalyǵy men ońtústígínde tūman túsedí. Jel shyǵys jáne soltústík-shyǵys baǵytta soǵyp, ekpíní 15–20 m/s-qa deıín jetedí. Qyzylorda qalasynda da mezgíl-mezgíl tūman basady.
Ūlytau oblysynyń batysy men ońtústígínde qar men boran kúsheıíp, kóktaıǵaq bolady. Shyǵys jáne ońtústík bólíkterínde tūman túsedí. Jeldíń ekpíní keı aumaqtarda sekundyna 23–28 metrge deıín barady. Jezqazǵanda da jel 15–20 m/s-qa deıín údeıdí.
Qaraǵandy oblysynyń soltústígí, shyǵysy men ońtústígínde jayau būrqasyn kúsheıedí. Jel keı uaqytta 28 m/s-qa deıín jetedí. Oblystyń soltústík-shyǵysynda túngí ayaz 35–38 gradusqa deıín tómendeıdí. Qaraǵandy qalasynda tańerteń jáne kúndíz boran soǵady.
Aqtóbe oblysynyń ońtústígí men batysynda qar jauyp, soltústígí men ortalyǵynda jayau būrqasyn kúsheıedí. Jeldíń ekpíní keı mezette 23 m/s-qa deıín barady. Aqtóbede de jel qatayady.
Atyrau oblysynda qar men kóktaıǵaq qatar júredí. Soltústík jáne shyǵys bólíkterínde boran, al batysy men ońtústígínde tūman qalyńdaıdy. Atyrau qalasynda da tūman men kóktaıǵaq jol ústínde saqtyqty talap etedí.
Batys Qazaqstan oblysynyń batysy, ońtústígí jáne shyǵysynda jayau būrqasyn soǵady. Jeldíń jyldamdyǵy 15–20 m/s-qa deıín jetedí.
Shyǵys Qazaqstan oblysynyń soltústígí men shyǵysynda tūman túsedí. Soltústík pen ońtústíkte jel kúsheıíp, túnde soltústík jáne shyǵys bólíkterínde ayaz 42 gradusqa deıín barady. Óskemen qalasyn da tūman basady.