Kontsertter, fleshmobtar, júgíru marafony men myńdaǵan shat kúlkí: Almatyda Qazaqstan halqynyń bírlígí kúní toılandy, dep habarlaıdy aqshamnews.kz
Almatyda Qazaqstan halqy Assambleyasynyń 30 jyldyǵyna oraı Qazaqstan halqynyń bírlígí kúní keń kólemde atalyp óttí. Merekelík baǵdarlama «Bírlígí jarasqan Almaty» degen ataumen óttí.
Basty ís-shara Abaı atyndaǵy alańda, Respublıka saraıynyń aldynda ūıymdastyrylyp, myńdaǵan qala tūrǵyny men qonaǵy jınaldy. Kúnníń basty oqıǵalarynyń bírí - 11.00-den bastalyp, 21.00-ge deıín sozylatyn kontsert. Merekege qala ákímí Erbolat Dosaev qatysty.
Sahnadaǵy atmosferany qazaqstandyq estrada jūldyzdary – L Duo duetí, pıanıst Ratovich , «Dervıshı» jáne Madein KZ toptary jáne basqalar jasady. Kontserttíń hedlaınerlerí QR Halyq ártísí Roza Rymbaeva men Bashqūrtstannan kelgen Ay Yola toby boldy.
Merekelík ís-sharalar Almatynyń barlyq audanynda óttí: etnomádenı bírlestíkter qonaqtardy ūlttyq bı bılep, án aıtyp jáne dástúrlí taǵamdar ūsyndy. Sonymen qatar, qalada jármeńkeler, sporttyq turnırler, aula kontsertterí men ekologıyalyq aktsıyalar ūıymdastyryldy.
Mektep oqushylarynan bastap zeınetkerlerge deıín 300 – ge juyq adam qatysqan Tūńǵysh Prezıdent sayabaǵyndaǵy «Bírlík júgírísí» bírlíktíń sımvoly boldy. Al Abaı alańynda eldí erekshe qyzyqtyrǵan nysannyń bírí Qazaqstan halqy Assambleyasynyń tarıhyna arnalǵan «Halyqtar bírlígí nazarda» atty fotokórmesí edí.
«Bírlík kúní – bízdíń basty kúshímíz – mádenı ártúrlílík ekenín eske salatyn kún. Almaty — ūltaralyq kelísím men dostyqtyń qalasy. Assambleyanyń mereıtoılyq jylynda árbír tūrǵyn ózín úlken, ūıymshyl qoǵamnyń bír múshesí retínde sezínuí úshín jūmysymyzdy jalǵastyramyz. Būl qoǵamda mádenıet, dástúr men ózara qūrmet eń joǵary qūndylyq sanalady», – dedí Almaty qalasy Qazaqstan halqy Assambleyasy tóraǵasynyń orynbasary Vsevolod Lukashev.
Qazaqstan ūıǵyrlarynyń respublıkalyq mádenı ortalyǵynyń tóraǵasy Abdulhalıl Dolkuntaı:
«Būl kún – bíz úshín jaı ǵana mereke emes, ortaq tarıh pen taǵdyrdyń sımvoly. Bíz árbír ūlt dástúrín saqtap, el damuyna úles qosa alatyn memlekette ómír súríp jatqanymyzdy maqtan tūtamyz. Mūndaı ís-sharalar ózara túsínístík pen mádenı aluandyqtyń elímízdíń bolashaǵy úshín qanshalyqty mańyzdy ekenín kórsetedí», – dedí.
Keshke Abaı alańyndaǵy kontsertte Aıqyn Tólepbergen, Búrkít, «Marsel» toby jáne basqa da ártíster óner kórsetedí dep kútílude.
