Qazaqstanda bír apta íshínde áleumettík mańyzy bar bírqatar azyq-túlík tauarlarynyń baǵasy tómendedí, – dep habarlaıdy aqshamnews.kz tílshísí.
2026 jylǵy 8 shíldedegí jaǵdaı boıynsha eseptí aptada Qazaqstanda áleumettík mańyzy bar bírqatar azyq-túlík tauarlary baǵasynyń tómendeuí baıqaldy.
Baǵasy eń kóp tómendegen óním – qıyar 6,5% arzandady. Sonymen qatar qyzanaq (-4,1%), sábíz (-2,1%), súıeksíz sıyr etí men jūmyrtqa (árqaısysy 0,6%), súıektí sıyr etí (0,3%), balyq (-0,1%) baǵalary tómendedí.
Óńírler bólínísínde eldíń bírqatar qalasynda deflyatsıyalyq dınamıka baıqaldy. Bír apta íshínde áleumettík mańyzy bar azyq-túlík tauarlarynyń jalpy baǵa deńgeıí Qyzylorda men Jezqazǵanda (-0,4%), Petropavl, Óskemen, Qaraǵandy jáne Túrkístan qalalarynda (árqaısysynda -0,2%), Almaty qalasynda (-0,1%) tómendedí. Astana, Shymkent, Aqtóbe, Atyrau, Qostanaı, Pavlodar, Semeı jáne Taraz qalalarynda baǵalar aldyńǵy apta deńgeıínde saqtaldy.
Respublıka boıynsha qıyardyń ortasha baǵasy bír kılogramyna 549 teńgení qūrady. Eń tómen baǵa Atyrau qalasynda tírkeldí – bír kılogramy 365 teńge.
Qazaqstan boıynsha tazartylǵan kúríshtíń ortasha baǵasy bír kılogramyna 533 teńgení qūrady. Eń tómen baǵa Qyzylordada - 456 teńge jáne Almatyda - 478 teńge deńgeıínde tírkeldí.
El boıynsha aq qaudandy qyryqqabattyń ortasha baǵasy bír kılogramyna 196 teńgení qūrady. Eń tómen baǵa Túrkístan qalasynda – bír kılogramy 136 teńge.Respublıka boıynsha Í sanattaǵy jūmyrtqanyń (10 dana) ortasha baǵasy 563 teńgení qūrady. Eń tómen baǵa Qyzylorda (460 teńge) jáne Aqtóbede (484 teńge) baıqaldy.
Áleumettík mańyzy bar azyq-túlík tauarlary baǵalary ındeksíníń kórsetkíshí apta saıyn esepteledí. Baǵalardy baqylau barlyq oblys ortalyqtarynda, respublıkalyq mańyzy bar qalalarda jáne astanada júrgízíledí. Áleumettík mańyzy bar azyq-túlík tauarlary baǵasynyń dınamıkadaǵy ózgerísterín Qazaqstan Respublıkasy Strategıyalyq josparlau jáne reformalar agenttígí Ūlttyq statıstıka byurosynyń saıtynan jáne «Taldau» aqparattyq-taldau júıesínen kóruge bolady.
Áleumettík mańyzy bar azyq-túlík tauarlarynyń tízbesí Qazaqstan Respublıkasy Sauda jáne ıntegratsıya mınıstríníń 2025 jylǵy 23 jeltoqsandaǵy №362-NQ būıryǵymen bekítílgen jáne 31 ataudaǵy azyq-túlík ónímderín qamtıdy.