Ótínímderdí onlaın túrde 13 shílde kúní saǵat 09:00-den 20 shílde kúní saǵat 18:00-ge deıín tapsyruǵa bolady, – dep habarlaıdy aqshamnews.kz tílshísí.
Qazaqstanda 2026 jylǵy 13 shíldeden bastap eGov.kz portaly men eGov Mobile mobıldí qosymshasy arqyly bílím beru grantyn taǵaıyndau konkursyna qatysuǵa ótíním qabyldau bastalady.
Bıyl qyzmetke bírqatar jańashyldyq engízíldí. Endí júıe talapkerge konkurstan tys memlekettík bílím beru grantynyń taǵaıyndalǵan-taǵaıyndalmaǵanyn avtomatty túrde tekseredí.
Tekseru Ūlttyq testíleu ortalyǵynyń derekterí negízínde avtomatty túrde júrgízíledí. Eger talapkerge konkurstan tys memlekettík bílím beru granty berílgen bolsa, ótíním beru kezínde júıe būl turaly habarlama shyǵarady. Mūndaı jaǵdaıda eGov.kz portaly nemese eGov Mobile qosymshasy arqyly qaıtadan ótíním berudíń qajetí joq.
Qalǵan talapkerler ótínímdí jalpy tártíppen tapsyrady. Eger talapker jeńíldík sanatyna jatsa, būl mártebe ótíním beru kezínde kórsetílíp, júıe arqyly avtomatty túrde rastalady.
Onlaın ótíním beru úshín:
eGov.kz portalynda avtorızatsıyadan ótíp, "Azamattarǵa" – "Bílím" – "Joǵary bílím" bólímíne kíríńíz;
"Bílím beru granttaryn taǵaıyndau, sondaı-aq joǵary jáne (nemese) joǵary oqu ornynan keıíngí bílím beru ūıymdarynda bílím alushylarǵa áleumettík qoldau kórsetu" qyzmetín tańdańyz;
"Qyzmetke onlaın tapsyrys beru" batyrmasyn basyńyz;
qajettí aqparatty toltyryp, sūranymǵa qoljetímdí qol qoyu tásílderíníń bírímen qol qoıyńyz;
ótínímníń qaralu mártebesín Jeke kabınettegí "Qyzmetterdí alu tarıhy" bólímínen qadaǵalańyz. Ótínímníń óńdelgení turaly habarlama osy bólímde kórsetíledí.
eGov Mobile mobıldí qosymshasy arqyly ótínísh beru tártíbí de dál osyndaı.
"Ūlttyq aqparattyq tehnologıyalar" AQ málímetínshe, ótíním qabyldau kezeńínde portalǵa júkteme joǵary bolǵan jaǵdaıda eGov.kz paıdalanushylar aǵynyn elektrondyq kezek arqyly retteıdí.
Júıege kírgennen keıín paıdalanushy elektrondyq kezekke qoıylady. Kezegí kelgende júıe qyzmetke avtomatty túrde qol jetkízuge múmkíndík beredí.
Kezektí qolmen baqylap otyrmau úshín "Kezegím jaqyndaǵanda SMS arqyly habarlau" belgísín qoyuǵa bolady. Būl jaǵdaıda 1414 nómírínen Azamattardyń mobıldí bazasynda tírkelgen telefon nómíríne SMS-habarlama jíberíledí. Eger mobıldí nómír bazaǵa tírkelmegen bolsa, ony qolmen engízuge bolady.
Kezektí kútu kezínde brauzerdegí bettí jabuǵa nemese jańartuǵa bolmaıdy. Áıtpese, paıdalanushynyń kezektegí orny joıylady.
Ótíním tapsyrylǵannan keıín talapker eGov.kz portalyndaǵy Jeke kabınetínde bílím beru grantyn taǵaıyndau konkursyna qatysqany turaly elektrondyq anyqtama alady.
Konkurs qorytyndysy boıynsha talapkerge bílím beru granty taǵaıyndalǵan jaǵdaıda, 10 tamyzdan keshíktírílmeı eGov.kz portalyndaǵy Jeke kabınetínde elektrondyq sertıfıkat qoljetímdí bolady.
Eger konkurs nátıjesí boıynsha bílím beru granty taǵaıyndalmasa, Jeke kabınetke bas tartu sebepterí kórsetílgen habarlama jíberíledí.