Energetıka mınıstrlígí benzın, dızel otyny jáne basqa da mūnaı ónímderín elden áketuge salynǵan tyıymdy taǵy 6 aıǵa ūzartudy josparlap otyr, – dep habarlaıdy aqshamnews.kz tílshísí.
Qūjat qoǵam talqylauy úshín «Ashyq NQA» portalynda jarıyalandy.
Jobaǵa sáıkes, tyıym 2026 jylǵy 22 qarashadan bastap 2027 jylǵy 22 mamyrǵa deıíngí aralyqty qamtıdy. Shekteuler Eurazıyalyq ekonomıkalyq odaqqa (EAEO) múshe memleketterge jetkízíletín ónímderge de qoldanylady.
Būdan bólek, 2027 jylǵy 1 qańtar men 30 mausym aralyǵynda EAEO-nyń kedendík aumaǵynan tys jerlerge jeńíl dıstıllyattardy, avıatsıyalyq kerosındí, dızel otynyn, gazoıldí, toluoldy, ksıloldy jáne mūnaı bıtumyn eksporttauǵa tyıym salu josparlanyp otyr.
Degenmen jobada bírneshe erekshe jaǵdaılar eskerílgen. Shekteuler gumanıtarlyq kómek retínde jetkízíletín júkterge, sondaı-aq Qazaqstan Úkímetíníń sheshímímen júzege asyrylatyn mūnaı ónímderíníń eksportyna áser etpeıdí.
Energetıka mınıstrlígí ūsynylyp otyrǵan sharalar eldíń energetıkalyq qauípsízdígín qamtamasyz etuge jáne íshkí naryqty mūnaı ónímderímen tūraqty túrde jabdyqtauǵa baǵyttalǵanyn atap óttí.
Būıryq jobasyn talqylau 21 shíldege deıín jalǵasady. Osy merzím íshínde azamattar óz eskertulerí men ūsynystaryn joldaı alady.
Sonymen qatar janar-jaǵarmaı ónímderín Qazaqstan shekarasynan kórshí elderge zańsyz tasymaldaıtyndardyń qatary kóbeıíp ketkendíkten sheteldík írí júk kólíkterí men jeńíl mashınalardyń Qazaqstanǵa kíruíne shekteu qoıyldy