Búgín Almaty qalasynyń Jūmyspen qamtu jáne áleumettík baǵdarlamalar basqarmasyna qarasty Belsendí ūzaq ómír súru ortalyǵynyń Medeu audandyq bólímínde ortalyq qyzmet alushylaryna arnalǵan «Qazaq oyu-órnekterí» taqyrybynda qazaq tílí boıynsha ashyq sabaq óttí. Ís-shara áleumettík-bílím beru qyzmetterí ayasynda ūıymdastyrylyp, aǵa buyn ókílderíníń tanymdyq belsendílígín arttyruǵa jáne ūlttyq mádenıetke bauluǵa baǵyttaldy.
Sabaqty Belsendí ūzaq ómír súru ortalyǵynyń qazaq tílí páníníń oqytushysy Bortkenova Raıhan Jūmajanqyzy júrgízdí. Sabaq barysynda qatysushylar qazaq oyu-órnekteríníń shyǵu tarıhymen, olardyń túrlerí men jíkteluímen, sondaı-aq ūlttyq órnekterdíń kílemderde, kıímderde jáne áshekeı būıymdarda qoldanylu erekshelíkterímen tanysty. Qazaq oyu-órnekteríníń halyqtyń dúnıetanymyn, mádenıetí men ruhanı qūndylyqtaryn beıneleıtín mańyzdy mūra ekeníne erekshe nazar audaryldy.
Ashyq sabaq jyly árí merekelík atmosferada óttí. Ís-shara kórkem «Shashu» qazaq bıímen bastalyp, merekelík kóńíl-kúı syılady. Baǵdarlama ayasynda ūlttyq ónerge arnalǵan beınematerıaldar kórsetíldí: suretter, panno, ūlttyq kıímder men bas kıímder elementterí, sondaı-aq dástúrlí oyu-órnektermen bezendírílgen tūrmystyq būıymdar — kílemder, kórpesheler men jamylǵylar ūsynyldy.
Sabaq qazaq jáne orys tílderínde júrgízílíp, būl materıaldy qabyldaudy jeńíldetíp, ūrpaqtar men mádenıetter arasyndaǵy baılanysty nyǵaıtty. Ís-sharanyń qorytyndy bólímínde qazaqtyń ūlttyq oyu-órnekterímen áshekeılengen ūlttyq kıímder defılesí óttí. Kezdesu sońynda qatysushylarmen erkín formatta píkír almasu ūıymdastyrylyp, sūraqtarǵa jauap beríldí, jyly lebízder men alǵys sózder aıtyldy.
Osyndaı mádenı-bílím beru ís-sharalary Belsendí ūzaq ómír súru ortalyǵynyń qyzmetíndegí mańyzdy baǵyttardyń bírí bolyp tabylady jáne aǵa buyn ókílderíníń ūlttyq mūrany saqtauǵa, qoǵamdyq jáne mádenı ómírge belsendí aralasuyna yqpal etedí.
Almaty qalasynyń Jūmyspen qamtu jáne áleumettík baǵdarlamalar basqarmasyna qarasty Belsendí ūzaq ómír súru ortalyǵy aǵa buyn ókílderín áleumettík qoldau, oqytu jáne olardyń shyǵarmashylyq árí zıyatkerlík áleuetín damytuǵa baǵyttalǵan baǵdarlamalardy júzege asyrudy jalǵastyryp, belsendí árí tolyqqandy ūzaq ómír súruge jaǵdaı jasauda.