Qazaqstannyń halyq jazushysy, tanymal dramaturg jáne daryndy sazger Israıl Saparbaı 85 jasyna qaraǵan shaǵynda dúnıeden óttí, dep habarlaıdy aqshamnews.kz.
Būl turaly Jazushylar odaǵynyń tóraǵasynyń orynbasary Qasymhan Begmanov ózíníń Facebook paraqshasynda jazdy.
"Búgín tańnan suyq habar keldí. Tańǵy saǵat tórt shamasynda Qazaqstannyń halyq jazushysy, Táuelsíz «Platınaly Tarlan» syılyǵynyń laureaty, belgílí aqyn, dramaturg, sazger Israıl Saparbaı aǵamyz 85 jasynda dúnıeden ozdy. Ūly aqynnyń Qaskeleńdegí úıínde, otbasynyń qasynda auyr nauqastan qaıtqany turaly habardy onyń ūly Nūrlan Israılūly jetkízdí", - dep jazdy Qasymhan Begmanov.
Israıl Saparbaı qazaq ádebıetínde ózíndík orny bar lırık aqyn bolyp, artynda sūlu sazdy ánder, poezıyanyń altyn qoryna engen óleńder jáne úlken audıtorıya tapqan pesalar qaldyrdy.
