Qazaqstanda dárí-dármek tapshylyǵyna jol bermeu jáne baǵanyń negízsíz ósuín qatań baqylauǵa alu tapsyryldy, - dep habarlaıdy Aqshamnews.kz tílshísí.
Úkímet otyrysynda premer-mınıstr Oljas Bektenov qazaqstandyqtardy dárímen qamtamasyz etu ísínde álí de táuekelder baryn atap óttí. Ásírese jyldyń basynda logıstıka men satyp alu rásímderíníń sozyluy saldarynan qıyndyqtar tuyndaıtynyn aıtty. Onyń sózínshe, kóptegen nauqastar úshín dáríní úzílíssíz qabyldau ómírlík mańyzdy.
Premer-mınıstr būl máselelerdí sheshu úshín densaulyq saqtau salasyna tsıfrlyq qūraldar engízílíp jatqanyn, dáríhanalardaǵy dárí qory men qoljetímdílígín baqylauǵa múmkíndík beretín aqparattyq júıe íske qosylatynyn jetkízdí.
Bektenov Densaulyq saqtau mınıstrlígíne «SK-Farmatsıya» jáne óńírlerdíń ákímdíkterímen bírlesíp, kelesí jylǵa arnalǵan dárí-dármek pen medıtsınalyq būıymdardy uaqytyly satyp aludy jáne úzdíksíz jetkízudí qamtamasyz etudí tapsyrdy.
Sonymen qatar, premer mınıstrlíkke monopolıyaǵa qarsy organmen bírge dárí-dármektíń bólshek sauda segmentínde baǵalardyń negízsíz qymbattauyna jol bermeu jónínde sharalar qabyldaudy júktedí.
