Qazaqstan – kúllí qazaqtyń tarıhı Otany jáne ūltaralyq kelísímníń jarqyn úlgísí
Qazaqstan Prezıdentí Qasym-Jomart Toqaev Qazaqstan halqy Assambleyasynyń HHHÍV sessıyasynda sóılegen sózínde el bírlígíníń kópqabatty qūrylymyn aıqyndaı otyryp, Qazaqstannyń íshkí jáne syrtqy bírtūtastyǵyn sıpattaıtyn mańyzdy oılarymen bólístí. Būl turaly Aqshamnews.kz saıty habarlaıdy.
Memleket basshysy álemníń ár túkpírínde tūryp jatqan qazaq dıasporasyna erekshe toqtalyp, olardyń ūlttyq bolmysty saqtau jolyndaǵy tabandylyǵyna rızashylyq bíldírdí.
"Qazaqstan – taǵdyrdyń jazuymen shette tuyp, shette ósken barsha qazaqtyń tarıhı Otany. Sheteldegí qazaqtardyń basym kópshílígí ana tílí men ata dástúrín berík ūstanyp keledí. El bírlígí – eń aldymen, kúllí qazaqtyń bírlígí", – dedí Prezıdent.
Ol el bírlígíníń taǵy bír tíregí – Qazaqstandy mekendegen túrlí etnostar arasyndaǵy tatulyq ekenín atap óttí. Būl – Qazaqstan qoǵamynyń negízgí tūǵyryna aınalǵan qūndylyq.
"Ekínshíden, el bírlígí – qasıettí qazaq jerín meken etken barsha etnostyń bírlígí. Bíz būl turaly únemí aıtamyz", – dedí Toqaev.
Prezıdent elímízdegí dínı merekelerdíń beıbít túrde atalyp ótuí – ūltaralyq jáne konfessıyaaralyq kelísímníń naqty kórínísí ekenín atap óttí. Ol juyrda atalyp ótken pravoslav jáne katolık Pashasyn mysalǵa keltíríp, būl oqıǵanyń erekshe maǵynaǵa ıe ekenín aıtty.
"Bírer kún būryn dostyq pen bírlík ruhynda Pasha merekesín atap óttík... Bıyl pravoslav jáne katolık qauymdarynyń Pasha meıramy qatar keldí. Mūnyń sımvoldyq mání zor. Būl – sırek qaıtalanatyn qūbylys", – dedí Memleket basshysy.
Sonymen qatar, elímízdegí pravoslav shírkeuíníń mıtropolıtí Aleksandr joǵary memlekettík marapat – Í dárejelí «Dostyq» ordenímen marapattalǵanyn atap óttí. Būl memleket tarapynan dínı konfessıyalarǵa degen qūrmettíń aıqyn dálelí.
Qasym-Jomart Toqaev Qazaqstandaǵy etnosaralyq jáne dínaralyq úılesímníń halyqaralyq deńgeıde joǵary baǵalanyp otyrǵanyn jetkízdí.
"Sheteldík qonaqtar Qazaqstanda túrlí salt-dástúrdíń bír-bírímen úılesím tapqanyna tań qalady. Būl olar úshín multıkulturalızm jáne multıetnıkalyq tūjyrymdamalar toqyrauǵa ūshyrap, típtí, joqqa shyǵarylyp jatqan kezeńde qaıran qalarlyq qūbylys", – dedí ol.
Būl píkírler Qazaqstannyń óz joly bar, teń qūqyq pen tatulyqqa negízdelgen qoǵamdyq úlgí qalyptastyryp otyrǵanyn kórsetedí.