Qazaqstan Respublıkasy Bas prokuraturasynyń Qūqyqtyq statıstıka jáne arnaıy esepke alu jóníndegí komıtetí azamattarǵa memlekettík qyzmettíń tórt túrín ūsynady. Olardyń basym bólígí elektron formatta kórsetíledí, – dep habarlaıdy aqshamnews.kz tílshísí.
Komıtet kórsetetín qyzmetter qataryna sottylyqtyń boluy nemese bolmauy turaly anyqtama beru, resmı qūjattarǵa apostıl qoyu, mūraǵattyq anyqtamalar men qūjattardyń kóshírmelerín ūsynu, sondaı-aq adamnyń sybaılas jemqorlyq qylmys jasaǵany turaly málímet beru kíredí.
Sottylyq turaly anyqtamany onlaın aluǵa bolady
Sottylyqtyń boluy nemese bolmauy turaly anyqtama onlaın rejımde beríledí. Oǵan egov.kz elektron úkímet portaly, portaldyń mobıldí nūsqasy nemese EgovKzBot arqyly ótínísh beruge bolady.
Qyzmettí elektron tsıfrlyq qoltańba nemese bír rettík SMS-parol kómegímen úıden shyqpaı-aq aluǵa múmkíndík bar.
«Anyqtama elektron qūjat túrínde rásímdeledí. Sonymen qatar shetelge shyǵu úshín apostıl qoıylǵan qaǵaz anyqtamany “bír ótínísh” qaǵıdaty boıynsha aluǵa bolady. Daıyn qūjat Memlekettík korporatsıya arqyly beríledí», – dep habarlady Qazaqstan Respublıkasy Bas prokuraturasynyń Qūqyqtyq statıstıka jáne arnaıy esepke alu jóníndegí komıtetíníń Almaty qalasy boıynsha departamentí.
Sottylyq turaly anyqtama Qylmystyq kodekstíń 79 jáne 89-baptaryna sáıkes sottylyqtyń óteluí nemese alynuy eskeríle otyryp beríledí. Qylmystyq qudalau toqtatylǵan nemese sottylyǵy ótelgen azamattarǵa «sottylyǵy joq» degen jazbamen anyqtama ūsynylady.
Apostıl qoyu bes jūmys kúníne deıín sozylady
Prokuratura, tergeu jáne anyqtau organdarynan shyǵatyn resmı qūjattarǵa apostıl qoyu qyzmetí avtomattandyrylmaǵan.
Ótínísh Memlekettík korporatsıya arqyly qaǵaz túrínde qabyldanyp, qyzmet bes jūmys kúníne deıín kórsetíledí.
Apostıl qoyu úshín 0,5 aılyq eseptík kórsetkísh mólsherínde memlekettík baj alynady.
Mūraǵattyq qūjattardy qalaı aluǵa bolady?
Komıtet pen onyń aumaqtyq organdarynyń mūraǵattary shegínde mūraǵattyq anyqtamalar men qūjattardyń kóshírmelerín aluǵa bolady.
Ótínísh Memlekettík korporatsıya nemese egov.kz portaly arqyly beríledí. Qyzmet kórsetu merzímí – 10 kúntízbelík kúnge deıín.
Ótínísh berushí jeke basyn kuálandyratyn qūjatty ūsynuy qajet. Tuysyna qatysty aqparat sūratylǵan jaǵdaıda tuystyq dárejesín rastaıtyn qūjattar talap etíledí.
Qyzmet nátıjesí qaǵaz túrínde beríledí.
Sybaılas jemqorlyq qylmysy turaly málímet
Adamnyń sybaılas jemqorlyq qylmys jasaǵany turaly málímettí de egov.kz portaly arqyly aluǵa bolady.
Qyzmet portaldaǵy «Azamattarǵa», «Jūmysqa ornalasu jáne jūmyspen qamtu», «Jūmysqa ornalasu jáne jūmys ízdeu» bólímínde qoljetímdí.
Qyzmet kórsetu merzímí – 10 mınut. Qosymsha tekseru qajet bolǵan jaǵdaıda jauap bes jūmys kúníne deıín beríledí.
«Komıtet kórsetetín memlekettík qyzmetterdíń barlyǵy tegín. Tek resmı qūjattarǵa apostıl qoıǵany úshín 0,5 AEK mólsherínde memlekettík baj tólenedí», – dep túsíndírdí Almaty qalasy boıynsha departament ókílderí.