Būl turaly Qazaqstan mūsylmandary dínı basqarmasynyń tóraǵasy Nauryzbaı qajy Taǵanūly dín qyzmetkerleríne joldaǵan Baǵdarlyq bayandamasynda aıtty, - dep habarlaıdy Aqshamnews.kz.
«Allaǵa shúkír, halqymyzdyń Islam dínín ūstanuy, sonymen qatar qoǵamda dínı sananyń kún sanap artuy adal tabysqa degen sūranysty kúsheıttí. Mūsylmandar kúndelíktí qarjylyq ísterínde ósímqorlyqtan, ádíletsíz kelísímderden jáne kúmándí tabystan saqtanuǵa tyrysady. Sonyń nátıjesínde Islam qarjysy qaǵıdalaryna negízdelgen ónímder men qyzmetterge degen qajettílík arta tústí.
Qoǵamdaǵy būl sūranys qarjy júıesíníń qūrylymdyq ózgeruíne túrtkí boluda. Dástúrlí bank qyzmetterímen qosa ıslamdyq qarjylandyru, seríktestíkke negízdelgen kelísímder, lızıng, saqtandyrudyń ıslamdyq túrí sıyaqty baǵyttarǵa sūranys artuda. Būl qarjy júıesíníń ádílettílík pen áleumettík jauapkershílíkke negízdeluíne jol ashuda. Būl rette halyqtyń Islamǵa bet būruy sharıǵı qarjy salasynda pátualardyń rólín arttyryp otyrǵanyn aıta ketken jón.
Qarjyǵa qatysty dínı sūraqtardyń kóbeyuín jáne qoǵamda osy salaǵa baılanysty sūranystyń artuyn eskeríp, QMDB Islam qarjysy sektoryn ashu turaly sheshím qabyldadym. Atalǵan sektor qarjylyq ónímderge sharıǵı saraptama jasap, qoǵamǵa senímdí árí bírízdí pátua ūsynatyn bolady»,- dedí Bas múftı Nauryzbaı qajy Taǵanūly.
Aıta keteıík, lızıng, saqtandyru, ınvestıtsıya, oblıgatsıya, tsıfrlyq aktıvter men elektrondy tólem júıelerí sekíldí jańa qarjylyq qūraldarǵa sharıǵat tūrǵysynan baǵa beru – osy sektordyń basty míndetteríníń bírí bolmaq.
