Atyrauda 13 shíldede balalar hlordan jappaı ulandy. Būl íske baılanysty Palma akvaparkíníń basshysy ūstaldy, - dep jazady Aqshamnews.kz Atyrau Online saıtyna sílteme jasap.
Atyraudyń mamandandyrylǵan tergeu sotynyń qaulysymen kúdíktíge qatysty úıqamaq túríndegí būltartpau sharasy taǵaıyndaldy.
Eske salaıyq, tótenshe jaǵdaı Atyraudaǵy tanymal demalys oryndarynyń bírínde bolǵan. 14 bala medıtsınalyq kómekke júgíníp, olardyń úsheuí oblystyq jáne balalar auruhanalaryna jatqyzylǵan.
Úsh balanyń jaǵdaıy auyr bolyp, olar jansaqtau bólímíne tústí.
Kuágerlerdíń aıtuynsha, basseın íshínde kenet hlordyń ıísí kúsheıíp, su túsí ózgergen. Balalar jótelíp, esínen tanyp qūlaı bastaǵan. Ata-analar balalaryn shūǵyl evakuatsıyalap, jedel járdem shaqyrǵan.
Aldyn ala boljam boıynsha, oqıǵaǵa hlorly zattardy mólsherden tys qosu sebep bolǵan. Basseın ıelerí su tazartu júıesínde aqau bolǵanyn moıyndady. Qazír nysan jabylyp, TJD men prokuratura tekserís júrgízíp jatyr.