Zań boıynsha ata-analardyń balalaryna qol kóteruíne tyıym salynǵan. Atalmysh norma, 2024 jylǵy 16 mausymnan bastap kúshínge engen. Máselen, dástúrlí otbasy tárbıesínde qoldanylatyn "toqpaqpen ūru" syndy ís-áreketter 109-1-baptyń talaptaryna saı keledí. Būl bap boıynsha soqqy densaulyqqa zıyan keltírmegen jaǵdaıda da qylmys bolyp esepteledí.
Osy úshín 50 kúnge deıín qamauǵa aluynuy múmkín. Degenmen, qamau oryndarynyń tapshylyǵyn eskeríp, ís 100–200 aılyq eseptík kórsetkísh kólemínde aıyppūlmen ayaqtaluy múmkín. Aıta keteıík, 2026 jyly AEK 4325 teńge.
Būl rette 16 jasqa tolmaǵan "būzaqaılardyń" áreketí úshín de ata-anasy jauapqa tartylady. Olarǵa 127-bap boıynsha "Ata-analardyń nemese basqa zańdy ókílderdíń tárbıeleu míndetterín oryndamauy... kámeletke tolmaǵan balalardy tárbıeleu, kútu jáne qamtamasyz etu míndetterín oryndamauy" aıyp taǵylady.
Mūnymen qosa, atalǵan 127-baptyń 1-bólímí boıynsha, ata-analarǵa kámeletke tolmaǵan balalardyń kózínshe íshímdík pen temekí ónímderín qoldanǵany úshín 10 AEK kólemínde ákímshílík aıyppūl salynady.
Sonymen qatar, "Balanyń qūqyqtary turaly" zańnyń 37-babynda da osyǵan ūqsas mátín bar.
"Balanyń ata-analary, basqa zańdy ókílderí, memlekettík organdar, sondaı-aq balany tárbıeleu jáne bílím beru funktsıyalaryn júzege asyratyn ūıymdar salauatty ómír saltyn jáne íshímdík ónímderí men temekíníń zıyanyn nasıhattauǵa míndettí".
Osylaısha, ata-analardyń balalarynyń kózínshe íshímdík nemese temekí qoldanu (mysaly, meıramhanada) – salauatty ómír saltyn nasıhattauǵa qatysty ata-ana míndetín būzu bolyp esepteledí. Sondyqtan būl 127-bap boıynsha "tárbıeleu míndetín oryndamau" dep baǵalanuy múmkín.
Eger bír jyl íshínde būl áreket qaıtalansa, aıyppūl 15 AEK-ke deıín ósedí, al 127-baptyń 2-bólímí boıynsha 10 kúnge deıín ákímshílík qamau da qoldanyluy múmkín.
Al eger ata-ana kámeletke tolmaǵan balasyna (18 jasqa deıín) íshímdík beríp, ol ony íshíp qoısa, onda būl zań boıynsha "kámeletke tolmaǵannyń íshímdík tūtynuyna ákelgen áreket" dep esepteledí (127-baptyń 3-bólímí). Mūndaı "tárbıelíkke jatpaıtyn" áreket úshín ata-analarǵa 20 AEK-ke deıín aıyppūl salynyp, 10 kúnge deıín qamau qoldanyluy múmkín.
