2025 jylǵy 23 sáuírde Ázerbaıjannyń jetekshí zıyatkerlík ortalyǵy sanalatyn Halyqaralyq qatynastardy taldau ortalyǵynda (HQTO) Qazaqstan-Ázerbaıjan saraptamalyq keńesíníń tórtínshí otyrysy óttí. Ís-sharaǵa Qazaqstannyń Ázerbaıjandaǵy Elshísí Álím Baıel, HQTO tóraǵasy Elshí Farıd Shafıev, Qazaqstannyń strategıyalyq zertteuler ınstıtutynyń dırektory Erkín Tūqymov, deputattar, Qazaqstan men Ázerbaıjannyń jetekshí sarapshylary, sondaı-aq BAQ ókílderí qatysty.
Elshí Á. Baıel óz sózínde Qazaqstan-Ázerbaıjan qarym-qatynastarynyń jańa deńgeıge shyqqanyn erekshe atap óttí, būǵan sońǵy kezeńde Qazaqstan Prezıdentí Qasym-Jomart Toqaevtyń Ázerbaıjanǵa jáne Ázerbaıjan Prezıdentí Ilham Álıevtíń Qazaqstanǵa jasaǵan bírqatar saparlary dálel.
Á. Baıel bıyl Qazaqstannyń Ázerbaıjanǵa bıdaıdyń eń írí jetkízushísí bolǵanyn habarlady. Qazaqstan bıdaıy 2025 jyldyń bírínshí toqsanynyń qorytyndysy boıynsha Ázerbaıjan ımportynyń jalpy kólemíníń 80% qūrady. Būl ekí eldíń tıístí qūrylymdarynyń ózara árekettesuíníń arqasynda múmkín boldy. Atap aıtqanda, ótken jyly Qazaqstannyń Bakudaǵy Elshílígínde ózara saudany ūlǵaıtuǵa baǵyttalǵan auyl sharuashylyǵy forumy ūıymdastyrylǵan bolatyn.
Sondaı-aq, dıplomat aǵymdaǵy jyldyń nauryz aıynda Baku qalasynda ekíjaqty qatynastar tarıhynda alǵash ret 23 qazaqstandyq unıversıtettíń qatysuymen Qazaqstannyń joǵary bílím kúnderí ótkízílgenín atap óttí. Ekí memlekettíń joǵary oqu oryndary arasynda 40 memorandumǵa qol qoıyldy.
Á. Baıel sonymen qatar halyqaralyq ūıymdar ayasyndaǵy Qazaqstan men Ázerbaıjannyń jemístí yntymaqtastyǵyn atap óttí. Atap aıtqanda, Ázerbaıjan AÓÍSShK tóraǵasy boldy, sondaı-aq bıyl Astanada ornalasqan Azyq-túlík qauípsízdígí jóníndegí Islam ūıymyna kíruge daıyndaluda. Qazaqstan óz kezegínde Bakudaǵy IYŪ eńbek ortalyǵyna qosyluǵa daıyn. Túrkí ıntegratsıyasy Qazaqstan úshín de, Ázerbaıjan úshín de basymdyq bolyp qala bermek. Elshíníń aıtuynsha, elderímíz jalpy túrkí yntymaqtastyǵynyń lokomotıvíne aınaldy. Kaspııdíń ekí jaǵynda ornalasqan, Ázerbaıjan men Qazaqstan Eurazıyanyń kólík-logıstıkalyq arhıtekturasynda da sheshushí ról oınauda.
Farıd Shafıev óz sózínde sarapshylar deńgeıíndegí tūraqty kezdesulerdíń jáne akademıyalyq derekkózderdí qalyptastyru boıynsha bírlesken jūmystyń mańyzdylyǵyn atap óttí. Sonymen qatar, ol bolashaqta Saraptamalyq keńes otyrystary Ázerbaıjan men Qazaqstannyń joǵary oqu oryndarynyń qatysuymen ótkízíluí múmkín ekenín atap óttí.
Erkín Tūqymov óz sózínde Ázerbaıjan Qazaqstannyń ońtústík Kavkazdaǵy negízgí seríktesí ekenín belgíleı otyryp, sońǵy jyldary ekí el arasyndaǵy qatynastardyń jandanǵanyn atap óttí. Ol būl seríktestík ortaq strategıyalyq kózqaras pen ózara qoldauǵa negízdelgenín aıtty. QSZI dırektory sondaı-aq saraptamalyq keńestíń kelesí otyrystaryn Qazaqstan men Ázerbaıjannyń túrlí qalalarynda ótkízudí ūsyndy.
Kezdesu ayasynda energetıkalyq, kólíktík-logıstıkalyq yntymaqtastyq, ǵylymı-saraptamalyq kooperatsıya, mádenı-gumanıtarlyq baılanystar jáne jastar sayasaty máselelerí boıynsha sarapshylardyń píkírlerí men ūsynystary talqylandy.
