Almaty oblysyndaǵy Baıserke aerodromynda «Baıserke aspany – 2026» auqymdy avıatsıyalyq shouy ūıymdastyrylyp, ís-sharaǵa 10 myńǵa juyq kórermen qatysty, – dep habarlaıdy aqshamnews.kz tílshísí.
Ís-shara barysynda qonaqtarǵa túrlí áue tehnıkasynyń múmkíndíkterí men kásíbı ūshqyshtardyń sheberlígí kórsetíldí. Avıatsıyalyq baǵdarlamaǵa Mı-2 jáne Mı-8AMT tíkūshaqtary, An-2, Yak-18T, Yak-52, Yak-55, Socata TB-10, Socata TB-20, Partenavia P.68 ūshaqtary, sondaı-aq motodeltaplandar men avıamodelder qatysty.
Kórermender úshín tájírıbelí ūshqyshtardyń joǵary pılotajy, Mı-8AMT tíkūshaǵy arqyly órt sóndíru tehnıkasynyń kórsetílímí jáne ekí An-2 ūshaǵynan parashyutshílerdíń jappaı desanty ūıymdastyryldy. Būdan bólek, «Romb» jáne «Veer» formatyndaǵy toptyq ūshular kópshílík nazaryna ūsynyldy.
Avıatsıyalyq shoudyń qorytyndy bólímínde ūshqyshtar men parashyutshílerdíń bírlesken kórsetílímí óttí. Baǵdarlama «Nebo Baıserke» gımní, baraban shouy jáne salyutpen ayaqtaldy.
«Baıserke aspany – 2026» ís-sharasy Turızm jáne sport mınıstrlígí bekítken 2026 jylǵy respublıkalyq turıstík ís-sharalar kúntízbesíne engízílgen.
Avıatsıyalyq shou Almaty oblysynyń turıstík áleuetín tanytyp, óńírde oqıǵalyq turızmdí damytuǵa jáne jańa turıstík ónímderdí qalyptastyruǵa múmkíndík beretín írí joba retínde ūıymdastyryldy. Ís-shara avıatsıya áuesqoılary men turısterdí bír alańǵa jınap, óńírdíń tartymdylyǵyn arttyruǵa baǵyttaldy.