Astanada ótíp jatqan BaiQymyz–2026 auqymdy gastronomıyalyq festıvalí ayasynda tūrǵyndar men qala qonaqtaryna arnalǵan «Zań men tártíp» aqparattyq-túsíndíru aktsıyasy ūıymdastyryldy, – dep habarlaıdy aqshamnews.kz tílshísí.
Ís-shara qūqyqtyq sauattylyqty arttyruǵa, qūqyq būzushylyqtardyń jáne esírtkí qylmysynyń aldyn aluǵa baǵyttaldy, dep habarlaıdy elorda ákímdígíníń resmı saıty.
Aktsıyaǵa Astana qalasynyń prokuraturasy, Polıtsıya departamentíníń ókílderí, eríktíler, sondaı-aq kópshílíkke tanys Tártípbek pen Tazabek maskottary qatysty. Olar festıval qonaqtarymen kezdesíp, zań talaptaryn saqtaudyń mańyzyn túsíndíríp, aqparattyq bukletter men jadynamalar taratty.
Ís-shara barysynda esírtkíníń zıyany men onyń zańsyz aınalymynyń aldyn alu máselesíne erekshe nazar audaryldy. Eríktíler tūrǵyndarǵa esírtkíníń qauíptílígí turaly aıtyp, oǵan qarsy ís-qımyl joldaryn túsíndírdí. Sonymen qatar qoǵamdyq qauípsízdíktí qamtamasyz etude zamanauı tehnologıyalardyń múmkíndígín kórsetetín robot-ıt tanystyrylyp, kelushílerdíń erekshe qyzyǵushylyǵyn tudyrdy.
Astana qalasy Polıtsıya departamentíníń Esírtkí qylmysyna qarsy ís-qımyl basqarmasy bólímíníń bastyǵy Álıya Qıbatqyzynyń aıtuynsha, mūndaı aktsıyalar halyqqa mańyzdy profılaktıkalyq aqparatty qarapaıym árí túsíníktí túrde jetkízuge múmkíndík beredí.
Onyń sózínshe, festıval barysynda polıtsıya, prokuratura jáne eríktíler bírlesíp «Zań men tártíp» qaǵıdatyn nasıhattap, esírtkíníń zıyany turaly aqparattyq-túsíndíru júrgízude. Sondaı-aq arnaıy bannerlerde esírtkíní taratu nemese qoldanu derekterí turaly habarlauǵa bolatyn jasyryn sením telefondarynyń nómírlerí ornalastyrylǵan.
Aktsıyanyń taǵy bír erekshelígí – ashyq mıkrofon alańy. Mūnda kelushíler qūqyqtyq normalar, qoǵamdyq tártíp, esírtkíníń zıyany jáne basqa da máseleler boıynsha ózderín qyzyqtyrǵan sūraqtaryn qoıyp, mamandardan jauap aldy.
Ūıymdastyrushylardyń aıtuynsha, mūndaı ís-sharalar qūqyqtyq mádenıettí nyǵaıtuǵa, qauípsízdík máselesíne jauapkershílíkpen qaraudy qalyptastyruǵa jáne memlekettík organdar men qoǵam arasyndaǵy ózara baılanysty damytuǵa yqpal etedí.
Astanada «Zań men tártíp» tūjyrymdamasy ayasyndaǵy ís-sharalar qala prokuraturasynyń úılestíruímen memlekettík organdardyń, eríktíler men elorda tūrǵyndarynyń belsendí qatysuymen ótkízílíp keledí.