Bul týraly ákim óziniń Instagram-daǵy paraqshasynda jazdy.
«Seıfýllın dańǵyly, 50 mekenjaıynda jeke ınvestısıaǵa 590 orynǵa arnalǵan mektep salynýda. Oǵan qosa №170 qalalyq mekteptiń janynan 300 oryndy jańa korpýstyń qurylysy aıaqtalýǵa jaqyn. Oqýshy ornynyń tapshylyǵy aıtarlyqtaı tómendeıdi. Dese de halyq sanynyń ósýin eskerip, jańa oqý oryndaryn qurý jobalaryn ázirleımiz»,– dedi ákim.
B. Saǵyntaev bıznes salasynyń ókilderi sporttyq ınfraqurylymdy damytýǵa atsalysyp jatqanyn da atap ótti.
«Juldyz-1» yqshamaýdanynda jekpe-jek pen sport gımnastıkasy zaly, 25 metrlik baseıni bar kóp salaly sport kesheni boı kóterýde. Mundaı shaǵyn keshendi shalǵaı jatqan yqshamaýdandarda salý qajettigine nazar aýdardym.
Gofrokarton daıyndaıtyn «Inter mýltı servıs» fabrıkasy jańa óndiristik jelini iske qosýǵa daıyndalýda. Fabrıka jańadan 120 jumys ornyn qurýdy kózdeıdi», – dep jazdy B. Saǵyntaev.