Almaty ákímí Baqytjan Saǵyntaev «Almaty» telearnadaǵy Akimat LIVE baǵdarlamasynyń tíkeleı efırínde KVI-men ambulatorıyalyq em alyp jatqan qalalyqtardy ózín oqshaulau erejesín saqtauǵa jáne adamdar kóp shoǵyrlanǵan jerlerge barudan aulaq boluǵa shaqyrdy.
Qala ákímíníń aıtuynsha, mūndaı jauapsyzdyqqa jol beruge bolmaıdy, óıtkení būl qoǵamdyq densaulyqqa qauíp tóndíredí. Adam sımptomsyz auyruy múmkín árí ol vırustyń tasymaldaushysy bolyp tabylady. B. Saǵyntaev barlyq qalalyqtardyń sanıtarlyq-epıdemıologıyalyq qauípsízdík sharalaryn qatań saqtaulary tıís ekendíkterín atap óttí.
Búgínde mobıldí AMSK toptarynyń jáne Telemedıtsına ortalyǵynyń baqylauynda 2306 nauqas úıde jatyr, olardyń 291-í sımptomsyz, 1970-í jeńíl jáne 45-í ortasha auyr dárejede.
Būǵan deıín habarlanǵandaı, aǵymdaǵy jyldyń 9 sáuírí men 1 shíldesí aralyǵynda Ashyq mobıldí qosymshasynyń kómegímen QR-kodyn skanerleu nátıjelerí boıynsha 1449 tūrǵynnyń «qyzyl» mártebesí rastaldy. Taǵy 370 tūrǵynnyń «sary» mártebesí anyqtaldy.
Aıta keterlígí, Almatynyń SEBD málímetterí boıynsha, 28 mausym men 1 shílde aralyǵynda Ashyq jobasy boıynsha jūmys ísteıtín kásípkerlík nysandaryna kíre berístegí skanerleu nátıjesínde 28 tūrǵynnyń «qyzyl» mártebesí, 9-ynyń «sary» mártebesí rastaldy. Anyqtalǵanyndaı, olar fıtnes-ortalyqtarǵa, basseınderge, kınoteatrlarǵa, kafeler men meıramhanalarǵa kíruge tyrysqan.
Qalada Ashyq jobasyna 2331 qatysushy bar. Aıtpaqshy, jobaǵa qatysu erejeleríníń saqtaluy tūraqty túrde baqylanady. Aǵymdaǵy jyldyń 1 mamyrynan bastap júrgízílgen reıdter barysynda monıtorıngtík toptar Ashyq jobasynda jūmys ísteıtín 125 kásípkerlík subektílerí boıynsha shekteulí karantındík talaptardyń būzyluyn anyqtady.
Ótken aptada KVI dertí 1,7 esege óstí, sońǵy táulíkterde KVI-díń 299 jaǵdaıy tírkeldí, táulíktík ósím 0,3%-dy qūrady.
7 shíldedegí jaǵdaı boıynsha, qalada 76 407 jaǵdaı tírkeldí, onyń 59 660-y sımptomdy jáne 16 747-sí sımptomsyz, anyqtalmaǵan pnevmonıya - 2013. 6 shíldede koronavırusty jūqtyrudyń 299 jaǵdaıy tírkeldí, onyń íshínde 259-y sımptomdy, 40-y sımptomsyz.
Táulíktík ósím – 0,3%. Reproduktıvtí sany – 1,353.
Infektsıyalyq statsıonarlarda 1131 adam (80 bala) emdelude, onyń 33-í óte auyr, 256-sy auyr, 842-í ortasha auyrlyq dárejesínde. Reanımatsıya jáne ıntensıvtí terapıya bólímderínde barlyǵy 102 adam bar. ÓJJ apparatynda – 19, ınvazıvtí emes ÓJJ – 34, High flow apparatynda – 22 nauqas jatyr.