Almaty ákimi Baqytjan Saǵyntaev «Almaty» telearnasyndaǵy Akimat LIVE baǵdarlamasynyń tikeleı efırinde kúrdeli epıdemıologıalyq ahýal týraly aıtty jáne almatylyqtardy densaýlyqtaryn saqtaý úshin vaksınalanýǵa shaqyrdy.
Almatydaǵy epıdemıologıalyq ahýal aǵymdaǵy jyldyń 18 maýsymynda SEBD mamandary tirkegen «delta» shtamynyń taralýyna baılanysty kúrdelene túsýde
Osyǵan oraı KVI-diń mýtasıalanǵan shtammdaryn zertteý jalǵasýda. Aǵymdaǵy jyldyń 1 shildesindegi zertteýler nátıjesinde KVI naýqastarynan alynǵan 88 synamanyń nusqalary anyqtaldy, 67 synamada «delta» (76%), 14-inde (16%) «álfa» (brıtandyq), 2-eýinde neden paıda bolǵany belgisiz, 3 nátıje teris (3,4%), 1-eýinde (1,1%) COVID-19 (ýhandyq). Aǵymdaǵy jyldyń 3 shildesinen bastap júrgizilgen zertteýler KVI naýqastarynan alynǵan 45 synamanyń nusqalary mynany kórsetti, 35-inde «delta»(78%), 6-nda (13%) «álfa» (brıtandyq) jáne tek 1-eýinde (2,2%) COVID -19 (ýhandyq) shtamdar anyqtaldy.
Budan ózge, mamandar KVI-diń sımptomdy naýqastarynyń úles salmaǵynyń arta túskenin aıtýda. Sońǵy 7 kúnde, aldyńǵy 7 kúnmen salystyrǵanda, 1,5 esege ósýde. «Delta» nusqasynyń aınalymy 46%-dan 73%-ǵa deıin jyldam, bul KVI-diń aýyr klınıkalyq kórinisterine aparady.
Sońǵy 2 aptadaǵy jas qurylymyn taldaý balalar men jastarǵa «delta» shtamynyń tez juǵatynyn kórsetti. Máselen, 1 jasqa deıingi naýqas balalardyń úlesi salmaǵy 0,7% - 2,8% deıin ósti; 14 jasqa deıingi balalar 0,4% - 15,0% deıin; 15 - 19 jas aralyǵyndaǵy jasóspirimder - 0,8% - 5,2% deıin jáne 40 - 59 jastaǵy azamattar - 1,5% - 24,7%.
Sondyqtan qala turǵyndary balalar men jasóspirimderdiń jaǵdaıyna erekshe nazar aýdaryp, olardyń adamdar kóp shoǵyrlanǵan jerlerge barýyn shekteýleri tıis. Orta jastaǵy adamdar sanıtarlyq-epıdemıologıalyq qaýipsizdik sharalaryn saqtaýdy kúsheıtkenderi jón.
Jumyspen qamtý boıynsha sońǵy 14 kúnde KVI aýrýy ózin-ózi jumyspen qamtyǵandar arasynda - 35%, ártúrli JSHS, AQ jumysshylary, jeke kásipkerler - 19%, zeınetkerler - 17,4%, sondaı-aq mektep oqýshylary arasynda - 10,3% basym jáne mektep jasyna deıingi balalar - 7%, bul jalpy jaǵdaılardyń 89% quraıdy.