Nur Otan AQF tóraǵasy, Almaty qalasynyń ákimi Baqytjan Saǵyntaev partıanyń qoǵamdyq qabyldaýyna júgingen qala turǵyndaryn qabyldady.
Alataý aýdany, Shańyraq-2 shaǵynaýdanynyń turǵyny A. Jumyqaevtyń ótinishi boıynsha Almaty qalasynyń ákimi buǵan deıin tartylǵan sýdan bólý jelilerin qosý úshin aǵyndy-sorǵy stansıasynyń qurylysynyń jumysyn baqylaýǵa alýdy tapsyrdy. Sıfrlandyrý basqarmasyna shetki aımaq turǵyndary Internet jelisine arnalǵan talshyqty-optıkalyq baılanys jelisin qurý jobasyn iske asyrýdy jedeldetýdi tapsyrdy. Aýdan ákimine «Sergek» ABK-niń baqylaý kameralaryn ornatýǵa usynys engizýdi tapsyrdy.
Medeý aýdanyndaǵy Kóktem kóshesi turǵyndarynyń ótinishine jaýap bere otyryp, B. Saǵyntaev ıesiz elektr jelilerin AES-5 balansyna berý prosesin jedeldetýdi tapsyrdy.
Sonymen qatar, «Abaı, 130» TK turǵyndary Almaty ákiminen aýlalaryndaǵy 12 qabatty úıdiń qurylysyn toqtatýdy surady. B. Saǵyntaev buǵan deıingi jumys sapary kezinde osy jaǵdaımen tanysqanyn, qala turǵyndaryn qoldaıtynyn aıtty. Almaty ákimi turǵyn úı salýǵa tyıym salýdy tapsyrdy. Joba serýendeý aımaǵyn uıymdastyrý boıynsha qaıta qaralady.
«Nur-Alataý» shaǵyn aýdany turǵyndarynyń ótinishi boıynsha qalalyq mobıldilik basqarmasyna qalalyq PD-men birlesip, jol qozǵalysyn qaıta qurý máselesin zerdeleý jáne jaıaý júrginshilerdiń qaýipsizdigin qamtamasyz etý boıynsha sharalar qabyldaý tapsyryldy.
Barlyq máseleler boıynsha jergilikti memlekettik organdarǵa tıisti tapsyrmalar berildi jáne qoldanystaǵy zańnama aıasynda túsindirý jumystary júrgiziledi.